भक्तपुर– वागीश्वरी माविको हीरक वर्ष २०७५ को उपलक्ष्यमा मासिक रूपमा विभिन्न कार्यक्रमहरु गर्ने क्रममा माघ १५ गते मङ्गलबार शैक्षिक अन्तरक्रिया कार्यक्रम सम्पन्न भएको छ । 
उच्चस्तरीय राष्ट्रिय शिक्षाआयोग २०७५ का सदस्य चक्रमान विश्वकर्मा र दरबन्दी पुनर्वितरण कार्यदलका संयोजक महाश्रम शर्माको आतिथ्यमा सम्पन्न भएको उक्त कार्यक्रममा भक्तपुरका निजी तथा सामुदायिक विद्यालयका प्रअहरुको सहभागिता रहेको थियो । 
कार्यक्रममा आयोगका सदस्य विश्वकर्माले सामुदायिक शिक्षाको गुणस्तर अभिवृद्धि गर्न विभिन्न संकायका सर्वोत्कृष्ट अङ्क हासिल गरेका व्यक्तिहरुलाई शिक्षण पेशामा आकर्षित गर्ने, निजामति कर्मचारीहरुको तलबभन्दा शिक्षकहरुको तलब १० प्रतिशत बढाउनुपर्ने, प्रअलाई गुणस्तरीय शिक्षा अभिवृद्धि गर्न बढी जिम्मेवार बनाई १५ प्रतिशत तलब बढाउनेलगायतका सिफारिस आयोगले सरकारलाई बुझाएको बताउनु्भयो । 
उहा“ले अबको १० वर्षभित्र देशका सम्पूर्ण निजी विद्यालयहरुलाई सार्वजनिक गुठीमा ल्याउने वातावरण तयार गर्ने र हरेक ५–५ वर्षमा प्रअलगायत शिक्षकहरुको सरुवा गर्ने पनि आयोगले सिफारिस गरेको जानकारी दिनुभयो । 
सरकार तीनवटै तह संघीय, प्रदेश र स्थानीयबाट कुल बजेटको न्यूनतम २० देखि २५ प्रतिशत बजेट शिक्षा क्षेत्रमा विनियोजन गर्नुपर्ने नीतिगत व्यवस्था गर्ने भनी सिफारिस गरेको जानकारी दिनुहु“दै उहा“ले गुणस्तरीय शैक्षिक सेवा प्रवाहका लागि प्रारम्भिक बालविकासमा १ः२०, आधारभूत तह १ः३० र मावि तहमा १ः४० कायम गरी राष्ट्रिय तहमै दरबन्दी मिलान गरी स्थानीय तहको दरबन्दी एकिन भएपछि सोहि अनुपातका आधारमा हरेक वर्ष विद्यार्थी, शिक्षक दरबन्दी मिलान गर्ने पनि बताउनुभयो । 
अर्का अतिथि महाश्रम शर्माले २०११ सालदेखि शिक्षा क्षेत्रमा आयोगमाथि आयोग बन्ने क्रम भइरहेकोले हालको आयोगद्वारा सिफारिस गरिएका कुराहरु पनि कार्यान्वयन हुन्छ नै भन्ने कुरामा सर्वसाधारणमा संशय हुनु स्वाभाविक नै भएको बताउनुभयो । यद्यपि उहा“ले आयोगद्वारा सिफारिस गरिएका सकारात्मक कुराहरुलाई कार्यान्वयन गराउन शैक्षिक जगतका व्यक्तिŒवहरुले जोड दिनुपर्ने कुरामा प्रकाश पार्नुभयो । 
नेपालको शिक्षा क्षेत्रमा विदेशी लगानी करिब १० प्रतिशत मात्र रहेको जानकारी दिनुहु“दै उहा“ले ९० प्रतिशतभन्दा बढी नेपालीकै रकम भएको हुनाले नेपालीको लगानी खेर जान नदिन शिक्षाको गुणस्तर उठाउनै पर्ने परिस्थिति रहेको बताउनुभयो । 
निःशुल्क शिक्षाबारे एक सहभागीको प्रश्नको उत्तर दिनुहु“दै उहा“ले सामुदायिक विद्यालय पूर्ण रूपमा निःशुल्क हु“दाहु“दै पनि कोहि अभिभावक शुल्क तिरेरै पढाउन चाहन्छन् भने विद्यालय रोज्ने स्वतन्त्रता अभिभावकलाई छोडिदिएको उहा“ बताउ“छन् । 
विद्यालयलाई कम्पनी ऐनमा लानु गल्ती नै थियो भन्नुहु“दै उहा“ले संसारमै नभएको त्यो गल्ती अब सुधारेर अगाडि बढ्नुपर्ने कुरामा जोड दिनुभयो । उहा“ले पूर्व प्रावि तहका शिक्षकहरुलाई सहयोगी कार्यकर्ता भनेर हीनताबोध गराउन नहुने र निश्चित समय सीमाभित्र १२ कक्षा उत्तीर्ण गर्ने अवसर दिई तिनीहरुलाई पनि आधारभूत तहसम्मको तलब दिनुपर्छ भन्नुभयो । 
भक्तपुर नगरपालिका क्षेत्रमा स्थानीय सरकारले स्थानीय पाठ्यक्रम लागू गरेर निकै राम्रो काम गरेको प्रशंसा गर्नुहु“दै देशका सम्पूर्ण स्थानीय सरकारले आ–आफ्नो परिस्थिति अनुसारको स्थानीय पाठ्यक्रम लागू गर्नुपर्ने विचार व्यक्त गर्नुभयो । 
दरबन्दी सम्बन्धी चर्चा गर्नुहु“दै उहा“ले ०७४ सालको तुलनामा ०७५ सालमा सामुदायिक विद्यालयमा विद्यार्थी घट्दै गएकोमा चिन्ता व्यक्त गर्नुहु“दै उहा“ले विद्यार्थीको अनुपातमा देशभरिमा ५७ हजार शिक्षक नपुग भएको तथ्याङ्क प्रस्तुत गर्नुभयो । 
प्रधानाध्यापक कृष्णप्रसाद धन्छाको सभापतित्वमा भएको कार्यक्रममा सहप्रअ ज्ञानसागर प्रजापतिले स्वागत गर्नुभएको थियो । कार्यक्रमको अन्तमा अतिथि एवं सहभागी सम्पूर्णलाई हीरक वर्षको मायाको चिनो प्रदान गरिएको उक्त कार्यक्रममा वासु माविका प्रअ अम्बिका न्याईच्याई, इसानका महासचिव पुरुषोत्तम ग्वाछा, शैक्षिक गुठी अन्तर्गत सञ्चालित प्रभात माविका प्रिन्सिपल कृष्णबहादुर प्रजापति, भुवनेश्वरी माविका प्रअ कृष्णप्रसाद छुस्याकी, पञ्चकन्या माविका प्रअ सन्तराम दुलाल, सिद्धिशारदा प्राविका प्रअ धनेशराज राजोपाध्याय, गणेश मावि भार्वाचोका प्रअ गणेशराम थुसा, वाइजल्याण्ड माविका प्रिन्सिपल आशकुमार चिकंबञ्जारलगायतले बोल्नुभएको थियो ।