Category: समाचार

१४ कार्तिक, २०८१ । नेपालीहरूको दोस्रो महान् चाड तिहार र नेपाल संवत् ११४५ तथा छठको अवसरमा शुभकामना तथा नवागन्तुक विद्यार्थीहरुलाई स्वागत कार्यक्रम बुधबार कमलविनायक र च्याम्हासिंहमा छुट्टाछुट्टै सम्पन्न भयो ।

वागीश्वरी मावि, वागीश्वरी कलेज र वागीश्वरी कलेज अफ म्यानेजमेन्टको संयुक्त आयोजनामा कमलविनायकमा भएको कार्यक्रममा प्रमुख अतिथि भक्तपुर नगरपालिकाका प्रमुख तथा वागीश्वरी कलेज व्यवस्थापन समितिका अध्यक्ष सुनिल प्रजापतिले भक्तपुरलाई ज्ञानविज्ञानको केन्द्र बनाउने उद्देश्यलाई साकार पार्न भक्तपुर नगरपालिकाले हरेक विद्यार्थीको प्रतिभा प्रस्फुटन गर्न शैक्षिक एवं अतिरिक्त क्रियाकलापलाई सँगसँगै अगाडि बढाउँदै लगेको बताउनुभयो । “विद्यालयस्तरीय खेलकुद महोत्सव एउटा उदाहरण हो ।”, उहाँले भन्नुभयो ।

विश्वविद्यालय अनुदान आयोगबाट वागीश्वरी कलेजले छिटोभन्दा छिटो गुणस्तर सुनिश्चितता प्रत्यायन (क्यूएए) प्रमाणपत्र प्राप्त गर्नेमा आफू विश्वस्त रहेको बताउँदै उहाँले जनताको सेवा गर्ने अवसरलाई अझ वृहत्तर रुपमा अगाडि बढाउन नेपाल सरकारले ख्वप विश्वविद्यालयको विधेयक चाँडो संसदमा पेश हुने विश्वास व्यक्त गर्नुभयो ।

नेपालको ७७ वटै जिल्लाका विद्यार्थीहरु भक्तपुरमा अध्ययनरत रहेको जानकारी दिँदै उहाँले जनतालाई सस्तो र गुणस्तरीय शिक्षा दिनको निम्ति भक्तपुर नगरपालिका अघि बढिरहेको बताउनुभयो ।

विद्यालय व्यवस्थापन समितिका अध्यक्ष तथा भक्तपुर नगरपालिका वडा नं. ९ का वडाध्यक्ष रवीन्द्र ज्याख्वले नेपालीहरु तिहार मनाइरहँदा विश्वमा अमेरिकी साम्राज्यवादको आडमा इजरायली फासीवादले प्यालेस्टाइनी विद्यार्थीहरुमाथि भइरहेको निर्मम नरसंहारविरुद्ध प्यालेस्टाइनी जनताको पक्षमा नेपाली विद्यार्थीहरुले अन्तर्राष्ट्रिय ऐक्यबद्धता जनाउन आवश्यक छ भन्नुभयो ।

विद्यालय तथा कलेजका संयोजक ज्ञानसागर प्रजापतिले जनताको ऋणमोचन गरिदिने शंखधर साख्वको जनश्रुतिलाई सम्झँदै देशलाई ऋणमा डुबाउने देशद्रोहीहरुबाट देशलाई बचाउन आज पनि नव शंखधर साख्वाको आवश्यकता छ भन्नुभयो ।

उहाँले विदेशी भूमिको बालुवामा सुन फलाउन नेपाली युवाहरुको पसिना प्रयोग भएकोमा वैदेशिक नीतिप्रति विरोध गर्दै नेपाली उर्वरभुमीमा सुन फलाउन नेपाली युवाको पसिना आवश्यक रहेको उहाँले बताउनुभयो ।

उहाँले तिहारलाई सभ्य, भव्य र सुसंस्कृत रुपमा मनाउन पटाकामुक्त र जुवाताँसमुक्त बनाउनु आवश्यक छ भन्नुभयो ।

विद्यार्थी राज कुस्माको सभापतित्वमा भएको कार्यक्रममा वागीश्वरी कलेज अफ म्यानेजमेन्टका प्राचार्य कृष्णप्रसाद धन्छा, वागीश्वरी कलेजका प्राचार्य धनकुमार श्रेष्ठ, वागीश्वरी माविका प्रअ कृष्णप्रसाद कर्माचार्य, विद्यार्थीहरु अनुभव आचार्य, मनोज कुटुवा, रेश्मा श्रेष्ठ र अनुषा प्याठ, दिपिका अधिकारी र प्रकाश रोकायाले पनि बोल्नुभएको थियो ।

विद्यार्थी हित समिति वागीश्वरी एकाइ समितिद्वारा च्याम्हासिंहमा आयोजित शुभकामना आदानप्रदान कार्यक्रममा प्रमुख अतिथि विद्यालय व्यवस्थापन समितिका अध्यक्ष तथा भक्तपुर नपा ९ नं वडाका अध्यक्ष रवीन्द्र ज्याख्वले भक्तपुरका विभिन्न चाड र संवत्को उल्लेख गर्दै तिहार प्रकृति र वातावरणसापेक्ष रहेको बताउनुभयो ।

उहाँले विद्यार्थीतिर सङ्केत गर्दै भन्नुभयो, “तपाईँहरूले आजैदेखि यसरी यस्ता कार्यक्रम सञ्चालन गर्दै जानुभयो भने पछि अन्य विद्यार्थीहरूले पनि सिक्छन् । पढाइ भन्ने कुरा कक्षाकोठामा मात्रै सिकिने कुरा होइन । हामी मोबाइल, कम्प्युटर र भ्रमणबाट पनि सिक्छौँ ।”

विद्यालयका प्रअ कृष्णप्रसाद कर्माचार्यले शुभकामना कार्यक्रमको लागि विद्यार्थी हित समितिलाई धन्यवाद दिँदै विद्यार्थीहरुले किताबी ज्ञानसँगसँगै राष्ट्रिय अन्तर्राष्ट्रिय विषयमा पनि जानकारी राख्नु आवश्यक छ भन्नुभयो ।

नेपाल क्रान्तिकारी विद्यार्थी सङ्घ भक्तपुर जिल्ला समितिका अध्यक्ष विलम सुवालले शिक्षा संविधानमा निःशुल्क भनिए पनि व्यवहारमा लागू नभएकोले आफूहरूले ध्यानाकर्षण गराउँदै आएको बताउँदै विद्यार्थीले कुनै विषयमा ठिक बेठिक छुट्याउन सक्षम हुनुपर्ने आवश्यकता बोध गराउनुभयो । विद्यार्थीकालमा बिहानदेखि बेलुकासम्म विद्यालयमा अध्ययन गर्दा जङ्क फुडलाई त्याग गरी उचित खानपानमा ध्यान दिएर आफ्नो स्वास्थ्यप्रति सचेत हुन अनुरोध गर्नुभयो ।

वागीश्वरी कलेज अफ म्यानेजमेन्टका प्राचार्य कृष्णप्रसाद धन्छाले पछिल्लो समयमा आफूले पढेका पाँचओटा किताबको चर्चा गर्दै तिहारको पाँच दिने बिदामा पनि विद्यार्थीहरूले पाँचवटा नयाँ किताब पढ्न सुझाउनुभयो ।

शुभकामना मन्तव्यकै क्रममा वागीश्वरी कलेजका प्राचार्य धनकुमार श्रेष्ठले तिहार पाँच दिन मनाएजस्तै हाम्रो शिक्षाको पनि विद्यालयदेखि उच्च शिक्षासम्म पाँचओटै चरण रहेको बताउँदै विद्यार्थीहरुले प्रत्येक तहलाई आफ्नो उद्देश्यअनुसार प्रतिफल हासिल गर्न कडा मिहिनेत गर्नुपर्छ भन्नुभयो ।

कार्यक्रमका अतिथि विद्यालयका सहायक प्रअ उकेश सुवालले पढाइ भन्ने कुरा आफ्नै लागि, समाजका लागि र संस्कारी बन्नका लागि हो भन्नुभयो ।

विद्यार्थी हित समितिका अध्यक्ष सुवान सुवालको सभापतित्वमा भएको कार्यक्रममा ममता थापा, अभिनव फुयाल, रेयुस गाइजु, जेनिसा विश्वकर्माले पनि बोल्नुभएको थियो ।

औपचारिक कार्यक्रमपश्चात् विद्यार्थीहरूले विभिन्न सांस्कृतिक विधाअन्तर्गत नृत्य, गायन, नाटक र धुन प्रस्तुत गरेका थिए ।

भक्तपुर, २८ जेष्ठ । वागीश्वरी कलेज मानविकी सङ्काय स्नातक प्रथम तथा दोस्रो वर्षमा सामाजिक कार्य, ग्रामीण विकास, समाजशास्त्र र पत्रकारिता विषय अध्ययनरत विद्यार्थीहको ललितपुरस्थित खोकना, बुङ्गमती काठमाडौं–तराई दु्रतमार्गमा सामुदायिक सर्वेक्षण र सिकाइ कार्यक्रमसम्बन्धि अनुभव आदानप्रदान कार्यक्रम जेष्ठ २८ गते सम्पन्न भयो ।

कार्यक्रमका सभापति एवम् वागीश्वरी कलेज मानविकी सङ्कायका प्रमुख राजन फेलुले विद्यार्थीहरूको प्रस्तुतीबारे खुशी व्यक्त गर्दै विद्यार्थीहरुलाई आत्मविश्वास बढाउने र सामाजिकिरण गर्ने हेतुले सर्वेक्षणमा लगिएको बताउनुभयो ।
वर्तमान समयमा विद्यार्थीहरु मोवाइलमा थेरै समय बिताउने गरेकोमा चिन्ता व्यक्त गर्दै नयाँ पुस्तामा व्यवहारिक ज्ञानको विकास गर्दै जानुपर्नेमा उहाँले जोड दिनुभयो ।
कार्यक्रममा बीए प्रथम वर्षमा अध्ययनरत विद्यार्थीहरू जेनिस बाडेको समूहले बुङ्गमती, रिया कपालीको समूहले खोकनाको परम्परागत तेल उत्पादन, पुजा दुलालको समूहले काठमाण्डौँ–तराई दु्रतमार्गको अध्ययन, सविता गिरीको समूहले दु्रतमार्गप्रति स्थानीयको धारणा तथा दोस्रो वर्षमा अध्ययनरत विद्यार्थी किशोर बस्नेतको समूहले अध्ययन समूहका भावनात्मक अध्ययन, अस्मिता तामाङले स्रोतव्यक्ति कृष्णभगत महर्जनसँग अन्तवार्ताका बारेमा प्रस्तुती दिनुका साथै विमला मानन्धरले पनि प्रस्तुति दिएका थिए ।
कार्यक्रममा ८५ जना विद्यार्थीहरुको उपस्थिति रहनुका साथै कार्यक्रम प्रशिक्षक मङ्गलेश्वर ध्वँजूले सर्वेक्षणबारे विस्तृत जानकारी दिनुभएको थियो ।

एलिना भेले
ललितपुर । वागीश्वरी कलेजमा बी.ए. र बीएएसडब्लु तेस्रो वर्षमा ग्रामीण विकास विषय लिई अध्ययनरत विद्यार्थीहरुको ‘एकीकृत पर्वत विकासको लागि अन्तर्राष्ट्रिय केन्द्र (इसिमोड)’ र गोदावरीमा जेष्ठ १८ गते अध्ययन भ्रमण सम्पन्न भएको छ ।
भ्रमणको क्रममा विद्यार्थीहरुलाई इसिमोडका स्रोतव्यक्ति सञ्जय महर्जनले इसिमोडको मुख्य उद्देश्य नै पर्वतीय क्षेत्रमा कृषिको विकास गर्ने रहेको जानकारी दिँदै वर्षाको पानी सङ्कलन गर्न बनाइएको ट्याङ्कीको महत्वमाथि प्रकाश पार्नुभयो । भिरालो जमिनमा खेती गर्दा अपनाउनुपर्ने प्रविधिको जानकारी दिँदै उहाँले जङ्गली जनावरहरुबारे वालीनाली बचाउने उपाय पनि बताउनुभयो ।

श्री प्रजापतिको गाईले दिनमा १० लिटरसम्म दुध दिने बताउँदै उहाँले भन्नुभयो– पर्वतीय क्षेत्रमा किवी खेतीबाट पनि मनग्य आम्दानी गर्न सकिन्छ ।
इसिमोडमा स्थानीय स्रोतसाधनको अधिकतम उपयोग गरी कम लागतमा मत्स्यपालन गरिएको छ भने उक्त मत्स्यपोखरीको पानी सिंचाइमा पनि प्रयोग गरिएको पेल्ट्रिक सेट प्रविधिबाट २०० वाटसम्मको बिजुली निकाल्ने पनि जानकारी दिनुभयो भने सोको लागि रु २७ हजार लागत लाग्ने पनि बताउनुभयो ।
कृषिमा मौसम विज्ञानको महत्व हुने चर्चा गर्दै स्रोतव्यक्ति महर्जनले ग्रामीण क्षेत्रमा पाइने वनस्पतिबाट वायो व्रिकेट बनाउन सकिने पनि बताउनुभयो ।
विषय शिक्षकहरु सुशीला घजु, अविना श्रेष्ठसहित ४५ जना विद्यार्थीहरुको सहभागिता रहेको उक्त भ्रमण अत्यन्त फलदायी रहेको विद्यार्थीहरुले प्रतिक्रिया दिएका छन् ।

भक्तपुर । वागीश्वरी कलेज मानविकी सङ्काय स्नातक चौथो वर्षमा अध्ययनरत विद्यार्थीहरूको अनिवार्य प्रयोगात्मक सामुदायिक लघु परियोजना कार्यको अन्तरक्रिया कार्यक्रम कलेजकै सभाकक्षमा जेष्ठ १३ गते आइतबार सम्पन्न भयो ।
कार्यक्रममा मानविकी सङ्कायका प्रमुख एवं कार्यक्रमका सभापति राजन फेलूले सामुदायिक कलेजका विद्यार्थीहरू समुदायमै गएर अध्ययन गरेर समुदायकै आवश्यकताबमोजिम विभिन्न ९ वटा समूहले गरेको परियोजना कार्यको प्रस्तुतीकरण निकै प्रशंसनीय भएको बताउनुभयो । मानविकी सङ्कायमा अध्ययनरत विद्यार्थीहरूको प्रथम, दोस्रो, तेस्रो र चौथो वर्षमा फरक फरक ढङ्गले समुदायमै अध्ययन गरेर विभिन्न शिविर, पदयात्रा, अध्ययन भ्रमण गरिरहेको पनि चर्चा गर्नुभयो ।

शिक्षकहरू मंगलेश्वर ध्वजू, अविना श्रेष्ठ र विद्यार्थी प्रनिता अधिकारीले बोल्नुभएको सो अन्तरक्रियामा डिजिटल साक्षरतामार्फत् युवा परिचालन कार्यक्रम, किशोरावस्था विद्यार्थीहरूमाझ महिनावारीसम्बन्धी स्वास्थ्य जनचेतना, व्यवस्थित तरिकाले पुराना कपडा वितरण, फोटोग्राफी साक्षरतासम्बन्धी कार्यक्रम, स्वस्थ स्वास्थ्यका लागि पत्रु खाजा सेवनविरुद्ध जनचेतनामूलक कार्यक्रम, स्वस्थ जीवनका लागि हात धुने तरिका कार्यक्रम, स्वच्छ वातावरणका लागि सरसफाइ कार्यक्रम, युवामाझ साइबर अपराधसम्बन्धी जनचेतना, हात धुने संस्कार कार्यक्रमलगायतका विषयमा विद्यार्थीहरूले समूहगत रुपमा आवश्यकता पहिचान, तयारी, गतिविधि, सिकाई र निष्कर्ष आदिबारे प्रस्तुतिकरण गरेका थिए ।
कार्यक्रममा स्नातक प्रथम, दोस्रो र तेस्रो वर्षमा अध्ययनरत समाजशास्त्र, सामाजिक कार्य, ग्रामीण विकास, पत्रकारिता आदि विषयका विद्यार्थीहरूको सहभागिता थियो ।

सल्लेरी । वागीश्वरी कलेजमा अध्ययनरत स्नातक तह तेस्रो वर्षमा अध्ययनरत मानविकी सङ्कायका विद्यार्थीहरूको चारदिने सामुदायिक सर्वेक्षण र जनचेतना कार्यक्रम चैत ९ देखि १२ गतेसम्म सोलखुम्बु जिल्लाको सोलुदुधकुण्ड नगरपालिकाको सल्लेरीमा सम्पन्न भयो ।

कार्यक्रमको तेस्रो दिन सोलुदुधकुण्ड नगरपालिकाका उपप्रमुख गान्धीमाया तामाङको प्रमुख आतिथ्यमा समापन समारोह भएको थियो । उपप्रमुख तामाङले विद्यार्थीहरूले प्रत्यक्ष भोगेर सिकेको कुरा नबिर्सने बताउनुभयो । यसप्रकारको अध्ययन भ्रमण, सर्वेक्षण र जनचेतना कार्यक्रमले आफू प्रभावित भएको पनि खुसी व्यक्त गर्दै सोलुदुधकुण्ड नगरपालिकाले समुदायकै सहयोगमा विकासका कार्यहरू गर्दै आएको चर्चा गर्नुभयो ।
खुम्बु पासाङ ल्हामु गाउँपालिकाका उपाध्यक्ष टासी ल्हमु शेर्पाले सोलुखुम्बु र भक्तपुरको सम्बन्धको प्रसङ्ग उठाउँदै सोलुखुम्बुको स्थानीय समुदायको अध्ययन गरेर वागीश्वरी कलेजका विद्यार्थीहरूको ज्ञानको दायरा फराकिलो हुनेमा विश्वास प्रकट गर्नुभयो ।
स्रोत व्यक्ति एवम् योङ स्टार कलब, दोर्पुका कार्यकारी निर्देशक दिपक राजभण्डारीले सल्लेरीमा कलेजका विद्यार्थीहरूको यस्तो प्रकारको पहिलो अध्ययन भ्रमण भएको जानकारी दिनुभयो ।
कार्यक्रममा विषय शिक्षक अविना श्रेष्ठले कार्यक्रमको उद्देश्य तथा महत्वबारे प्रस्ट्याउनुभयो ।
चारदिने कार्यक्रम प्रशिक्षक मङ्गलेश्वर ध्वजूको सभापतित्वमा भएको थियो भने विद्यार्थी निगिसा कपालीले सञ्चालन गर्नुभएको उक्त कार्यक्रममा विद्यार्थी दिपिका अधिकारीले स्वागत गर्नुभएको थियो । विद्यार्थीहरू रेश्मा श्रेष्ठ, सृष्टता लवजू, भावना भडेल, सुवास तामाङले पनि बोल्नुभएको थियो ।
पहिलो दिन योङ स्टार क्लवका अध्यक्ष बुद्धिनारायण श्रेष्ठ र स्रोतव्यक्ति दिपक राजभण्डारीले अभिमुखीकरणमार्फत सल्लेरीमा स्वागत गर्नुभएको थियो ।
दोस्रो दिन बिहानी सत्रमा सोलुदुधकुण्ड नगरपालिकाको सल्लेरी बजार क्षेत्रमा अध्ययन भ्रमणसँग नुम्बुर हिमालको मनोरम दृश्यको अवलोकन गरेको थियो । दोस्रो सत्रमा वडा नं. ४ का वडाध्यक्ष फुर्वा ग्याल्जेन शेर्पाको कार्यकक्षमा स्वास्थ्य, शिक्षा, संस्कृति, विकास कार्य र चुनौती आदि विषयमा अन्तरक्रिया गरेको थियो । तेस्रो सत्रमा वडा नं. ५ स्थित जनजागृति नमुना माध्यमिक विद्यालयमा सामाजिक कार्यअन्तर्गत विद्यार्थीहरूले चेतनामूलक नाटक प्रस्तुत गरेका थिए । सांस्कृतिक आदानप्रदान कार्यक्रमअन्तर्गत कुटुम्व धुनमा नेवारी लाखे नाच र तामाङ सेलो पनि देखाएको थियो ।
सो विद्यालयका प्रधानाध्यापक जनक थापाले वागीश्वरी कलेजलाई धन्यवादसहित आफ्नो विद्यालयलाई पनि अध्ययन भ्रमणको लागि प्रोत्साहित गरेकोमा खुसी व्यक्त गर्नुभयो ।
चौथो सत्रमा विद्यार्थीहरूले वडा नं. ४ को वडाध्यक्ष युवास तामाङको कार्यक्रममा वडाको गतिविधि, प्रशासनिक गतिविधि, पर्यटन, शिक्षाबारे अन्तरक्रिया गरेको थियो । उक्त वडामा अवस्थित फाप्लु विमानस्थलको अध्ययन भ्रमणपश्चात् साँझ दिनभरीको समीक्षात्मक कार्यक्रममा विद्यार्थीहरूको ६ वटा समूहहरू दुधकुण्ड, भुकला, सगरमाथा लिखु, सिद्धिचरण र सल्लेरीले आ–आफ्ना प्रस्तुतीकरण दिएका थिए ।
तेस्रो दिनको बिहानी सत्रमा विद्यार्थीहरूले योङ स्टार क्लवमा पुगी क्लवको विगत, वर्तमान र भावी योजनाबारे अन्तरक्रिया गरेर सोलु एफएम १०१.२ मेगाहर्जको पनि स्टेसनमा पुगेर सामुदायिक एफएमको जानकारी लिए । दोस्रो सत्रमा विद्यार्थीहरूको ६ समूहले सल्लेरीको नयाँ बजारमा हरेक शनिबार लाग्ने हाटबजारको समग्र व्यवस्थापन, उपभोक्ता र व्यापारीको व्यवहार, स्थानीय जनतालाई परेको प्रभाव, स्थानीय उत्पादन, सुझाव र योजनाबारे सर्वेक्षण गरे ।
सोलुदुधकुण्ड नगरपालिकाको सभाकक्षमा समापन समारोहपश्चात् जिल्लाकै प्रसिद्ध चिवाङ्ग गुम्बाबाट दृश्यावलोकन गरेर अन्तिम सत्रमा समीक्षात्मक कार्यक्रम भयो ।
सामाजिक कार्य, ग्रामीण विकास, अङ्ग्रेजी र राजनीतिक शास्त्रका ३० जना विद्यार्थीहरूले सहभागिता जनाएको सो टोली चौथो दिनमा ओखलढुङ्गा, उदयपुर हुँदै सिन्धुलीको चैनपुर डाँडामा पुग्दा होली मनाएर काभ्रेपलाञ्चोक हुँदै कलेज फर्केका थिए ।

वागिश्वरी कलेज, भक्तपुरमा स्तातक चौथों तहमा अध्ययनरत बिद्यार्थीहरुको चाँगुनारायण स्थित हेल्पिंग ह्यान्ड फेल्ट क्राफ्ट उद्योगमा अवलोकन कार्यक्रम सम्पन्न भयो |

घरकै सदस्यहरूबाटै रू ५० हजार लगानी गरी १५ वर्ष अघि शुरूवाट गरेको फेल्ट ब्यावसायले आज १०० भन्दा बढी महिलाहरूलाइ रोजगारी प्रदान गर्न सफल भएको उद्यमी राजु भडेलले बताउँनुभयो । साथै कुनै पनि काम सानो ठूलो नहुने बताउँदै इच्छा शक्ति भएमा स्वदेशमै प्रशस्त अवसर रहेको कुरामा जोड दिनु भयो ।

बिद्यार्थीहरूको जिज्ञासाको उत्सुकता मेटाउदै दिदै निरन्तर एकचित्त भइ लागेमा सफल हुने कुरामा निश्चिन्त रहन बिद्यार्थीहरूलाइ हौसला प्रदान गर्नुभयो । उद्योगका ब्यवस्थापक एवं युवा महिला उद्यमी रोशनी भडेलले भेडाको उनबाट हाल जुता, कि-रिङ, ब्यागलगायतका सामानहरूको उत्पादन गर्दै आएको र सोही कार्यलाइ भविष्यमा बिस्तारै गर्दै लैजाने लक्ष्य रहेको बताउँनुभयो ।

औद्योगिक अवलोकनले बिद्यार्थीहरुमा थप उर्जा दिने बताउदै अवलोकनको अवसर प्रदान गर्नुभएकोमा वागिश्वरी कलेजको तर्फबाट धन्यवादका साथ मायाको चिनो प्रदान गर्दै ब्यवस्थापन संकायका प्रमुख श्री बब्लु कुमार रावतले उद्योगलाइ बिदेशमा निर्यात मात्रै नगरी स्वदेशमै पनि बजार बिस्तार गर्न सकिने कुरामा जोड दिंदै यस्ता औद्योगिक अवलोकनले नवप्रबर्धन कार्य शुरू गर्न समेत प्रेरणा मिल्ने भएको बताउँनुभयो ।

न्यजिल्याण्डबाट भेडाको ऊन आयात गरि विभिन्न सामानहरु उत्पादन गरि पुन बिदेशमै निर्यात गर्दै आएको उक्त व्यवसायलाई राम्रो बजारीकरण गरि स्वदेशमै बिकी वितरण गर्न सकेमा नेपालीहरुलाई थप रोजगारीको सिर्जना गर्न सक्ने कुरामा कलेजका शिक्षक एवं औद्योगिक अवलोकनका संयोजक श्री दिनेश सुवालले बताउँनुभयो ।

कलेजका शिक्षकहरू चण्डेश्वरी लाखा, मिरा प्रजापति, राजकुमार कसपाल, बाबु कृष्ण के.सी. लगायतको उपस्थिति रहेको उक्त अवलोकन भ्रमणमा भेडाको ऊनको ब्यवसाय गर्ने शुरू गर्न कहाँबाट प्रेरणा मिल्यो भन्ने शिक्षक श्री नविन प्रजापतिको जिज्ञासामा आफु ललित कलाको बिद्यार्थी रहेको कारणले सोहि क्षेत्रमै केहि गरौँ भन्ने भित्रि इच्छाले प्रेरित भएको उद्यमी भडेलले बताउनुभयो ।

भक्तपुर । वागीश्वरी कलेजको गुणस्तर सुनिश्चितता एवं प्रत्यायन (QAA) को लागि विश्वविद्यालय अनुदान आयोगको समकक्षी परीक्षण टोली (PRT) ले माघ ७,८,९ र १० गते लगातार गरेको कलेजको अनुगमन सम्पन्न भएको छ ।
समापन कार्यक्रममा टोलीका संयोजक प्रा.डा. प्रेमराज पन्तले वागीश्वरीलाई नजिकबाट नियालिरहेको बताउँदै पछिल्ला दुई वर्षमा कलेजले सबैको साझा प्रयासबाट फड्को मारेको विचार व्यक्त गर्नुभयो ।
गुणस्तरको सुनिश्चितता एकचोटिको प्रयासले मात्र नहुने भन्दै उहाँले भन्नुभयो, “गुणस्तर एउटा निरन्तरको प्रक्रिया हो† सेवाग्राही विद्यार्थी र समुदायलाई सन्तुष्ट पार्दै चरित्रवान जनशक्ति उत्पादन गरी त्यसले समाजलाई पु¥याउने योगदान नै कलेजको वास्तविक गुणस्तर हो ।”
कमी कमजोरी नभएको कुनै संस्था हँुदैन, यद्यपि संस्थालाई थप राम्रो बनाउन हामी सुझाव दिने गर्छौँ भन्दै उहाँले आगामी दिन समयतालिका बनाई योजनाबद्ध ढङ्गले कार्य गर्न सुझाव दिनुभयो ।
कलेज व्यवस्थापन समितिले छुट्याएको अनुसन्धानको बजेट सदुपयोग गर्न विशेष जोड दिँदै उहाँले अनुसन्धानबिना कलेजको महत्व नहुनेमा प्रकाश पार्नुभयो ।
गुणस्तरसँग सम्बद्ध कलेजका विभिन्न पक्षसँगै अन्तरक्रिया गर्दा सबैबाट आफूहरूले सकारात्मक पाएको चर्चा गर्दै उहाँले भन्नुभयो, “विगतबाट पाठ सिक्दै भविष्यलाई उत्साहित गरेर हामी अघि बढ्नुपर्छ ।”
कार्यक्रमका सभापति एवं कलेज व्यवस्थापन समितिका अध्यक्ष सुनिल प्रजापतिले टीमले दिएका सुझावहरू दिइएको समयावधिभित्रै इमानदारीपूर्वक पूरा गर्ने प्रतिबद्धता जनाउँदै अनुगमन गरी शैक्षिक सुधारको लागि आवश्यक सुझावका लागि हार्दिक आभार व्यक्त गर्नुभयो ।
कार्यक्रममा टोलीका सदस्य प्रा.डा. रेजिना मास्केले वागीश्वरी कलेजको सबैभन्दा सबल पक्ष शिक्षक, विद्यार्थी र समुदाय सबैले अपनत्व ग्रहण गर्नु हो भने छात्राहरूको सक्रियता अत्यन्त प्रशंसायोग्य छ भन्नुभयो ।
कार्यक्रममा टोलीका सदस्य नवीना चौलागाई, कलेजका प्राचार्य धनकुमार श्रेष्ठ र कलेजको स्वअध्ययन टोलीका संयोजक विनोद प्रजापतिले पनि बोल्नुभएको थियो ।

भक्तपुर । वागीश्वरी कलेजमा अध्ययनरत स्नातक तह दोस्रो वर्ष मानविकी सङ्कायका सामाजिक कार्यका विद्यार्थीहरुको तीन दिने सामुदायिक सिकाइ शिविर पुस ८ देखि १० गतेसम्म नुवाकोट जिल्लाको लिखु गाउँपालिकामा सम्पन्न भयो ।
शिविरको समापन कार्यक्रममा प्रमुख अतिथि लिखु गाउँपालिकाका प्रमुख ध्रुव श्रेष्ठले शिक्षा विकासको मेरुदण्ड भएकोले शिविरबाट प्राप्त व्यावहारिक शिक्षाले अध्ययनमा व्यापकता पाउँछ भन्नुभयो ।

विद्यार्थीहरुलाई प्रमाणपत्र वितरण गर्दै प्रमुख अतिथि श्रेष्ठले वागीश्वरी मावि र कलेजले पा“च हजारभन्दा बढी विद्यार्थीहरुलाई शिक्षा दिइरहेको प्रसङ्गबाट आफू प्रभावित भएको बताउनुभयो ।
कार्यक्रममा क्षेत्रपाल माध्यमिक विद्यालयका प्रधानाध्यापक हरि सुवेदीले भोलीको समाजको योग्य नागरिक सामाजिक कार्यले टेवा पुग्ने भएकाले सबैले सामाजिक उत्ररदायित्व वहन गर्नुपर्ने आवश्यकता औंल्याउनुभयो ।

श्री जनज्ञान निकेतन माध्यमिक विद्यालयका प्रधानाध्यापक अर्जुन लामिछानेले ऐतिहासिक जिल्ला नुवाकोटको अध्ययन भ्रमणबाट सिकेका कुरा शेयर गर्दा जीवन्तता पाउने कुरामा जोड दिनुभयो ।
शिविर संयोजक मङ्गलेश्वर ध्वजूको सभापतित्वमा भएको सो कार्यक्रममा पूर्व स्रोतव्यक्ति महेश्वर पाण्डे, शिविरका स्रोतव्यक्ति एवं ज्योतिकुञ्ज एकेडेमीका प्रधानाध्यापक रवीन्द्र डंगोल, सामाजिक कार्यका विषय शिक्षक सुन्दर ग्वाछा, विद्यार्थीहरु जस्मिना विश्वकर्मा, सरिना बाडे, प्रवीण स्याङताङ, दिपिका न्यौपानेले पनि बोल्नुभएको थियो ।

शिविरमा विद्यार्थीहरुले स्काउट, योग, खेल, आत्मरक्षाका सीप तथा नृत्य आदि विषयमा प्रशिक्षण दिएका थिए भने शिक्षा, स्वास्थ्य स्थिति र पूर्वाधारलगायतका विषयमा सर्वेक्षण गरेका थिए । शिविरमा २४ जना विद्यार्थी र २ शिक्षक गरी जम्मा २६ जना सहभागी थिए ।

भक्तपुर । वागीश्वरी मा.वि/कलेज सञ्चिति कोषको सातौं साधारण सभा २०८० कलेज व्यवस्थापन समितिका अध्यक्ष एवं नगरप्रमुख सुनिल प्रजापतिको आतिथ्यमा मङ्सिर २३ गते शनिबार सम्पन्न भएको छ । सभामा प्रमुख अतिथि प्रजापतिले अरू कसैको सहयोगमा भन्दा पनि आफ्नै मिहिनेत परिश्रमबाट संस्थालाई नमुना बनाउने प्रयास गर्नुपर्नेमा जोड दिनुभयो ।

दक्षिण कोरियाले विदेश जाने नीति रोकेर त्यसको रकम उद्योगमा लगानी गरेर आज देश औद्योगिक मुलुक बनाएको उदाहरण दिँदै उहाँले २०७२ साल भूकम्पको बेलामा सकेसम्म आफ्नै पौरखले काम गर्दाको परिणाम अहिले अरूको लागि नमुनाको रूपमा देखिएको दृष्टान्त दिनुभयो । हाम्रो देश बनाउने दायित्व हाम्रै हो भन्ने भावना हामीमा हुनुपर्ने भन्दै उहाँले हामी नियमानुसार काम गर्छौं, जनतामा आधारित विकासलाई जोड दिन्छौं भन्नुभयो ।

सामुदायिक संस्था बिगारेर निजी संस्था पोस्ने विचार घातक रहेको चर्चा गर्दै उहाँले आर्थिक अनुशासन कडाइका साथ पालना गर्दै पारदर्शिता अँगालेर जनताको विश्वास जितेर अघि बढ्नुपर्ने बताउनुभयो ।
शिक्षक कर्मचारी मिहिनेती, परिश्रमी, अनुशासित भए मात्रै वागीश्वरी शैक्षिक संस्था राम्रो हुने चर्चा गर्दै उहाँले शिक्षक कर्मचारीहरू देशको आवश्यकताअनुसार भोलि राजनीतिमा आएर पनि देश र जनताको सेवा गर्नुपर्ने हुन सक्छ भन्नुभयो ।
नेपाली युवा जनशक्ति कुनै वस्तुतुल्य विदेश निर्यात गर्ने सरकारी नीतिको आलोचना गर्दै उहाँले अबको २० वर्षपछि यसको नकारात्मक नतिजा देशले भोग्नुपर्ने र त्यसबेला पछुताएर केही नहुने हुँदा आजै सचेत हुनुपर्ने बताउनुभयो ।
सरकारको गलत नीतिका कारण नेपाली काउली सस्तो हुँदा सडकमा फाल्नुपर्ने र भारतीय आयातित प्याज बजारमा महँगो भएको उल्लेख गर्दै आत्मनिर्भरतामा जोड दिन सुझाव दिनुभयो ।

अन्यत्र विद्यार्थीको अभावमा कलेज बन्दको स्थिति आएको उदाहरण दिँदै उहाँले विद्यार्थी नभए कर्मचारी शिक्षक पनि नचाहिने अवस्था आउन सक्छ यसतर्फ सबैको ध्यान जानुपर्छ भन्नुभयो ।
वागीश्वरी मा.वि. व्यवस्थापन समितिका अध्यक्ष रवीन्द्र ज्याख्वले आजको वागीश्वरी आजका शिक्षक कर्मचारीको मिहिनेतले मात्र बनेको नभई पूर्वजको योगदानलाई नबिर्सन आग्रह गर्नुभयो । सामुदायिक भावना, देशभक्त नागरिक उत्पादनको जिम्मेवारीबोध आजको आवश्यकता रहेको चर्चा गर्दै उहाँले शैक्षिक गुणस्तरमा विशेष जोड दिनुभयो । उहाँले भन्नुभयो– “शैक्षिक गुणस्तर नै जनताको विश्वास जित्ने हाम्रो बलियो आधार हो ।”
सभामा +२ संयोजक ज्ञानसागर प्रजापतिले अनावश्यक खर्च जोगाउनु पनि आम्दानी भएकाले मितव्ययितामा ध्यान दिन सुझाव दिनुभयो ।

कोषका अध्यक्ष धनकुमार श्रेष्ठले वार्षिक प्रतिवेदन प्रस्तुत गर्नुभएको उक्त सभामा सहायक प्रअद्वय कृष्णप्रसाद कर्माचार्य र उकेश सुवालले पनि शुभकामना मन्तव्य दिनुभएको थियो ।
शिक्षक विश्वेश्वर मानन्धरले पनि बोल्नुभएको सभामा उपस्थित रमेश गोसाई, दिनेश प्रधान, सविन्द्र प्रजापतिलगायतले कोषको लागि विभिन्न सुझावहरू दिनुभएको थियो भने सभाध्यक्ष प्र.अ. कृष्णप्रसाद धन्छाले प्राप्त सुभावहरूमाथि कोष सञ्चालक समितिमा छलफल गर्ने र त्यसलाई विद्यालय व्यवस्थापन समितिले आफ्नो क्षमताअनुसार काम गर्ने विश्वास दिलाउनुभयो ।
सभाले रु. १ करोड १६ लाख १० हजार ५२८ रूपैयाको वित्तीय अवस्था रहेको प्रतिवेदन सर्वसम्मतिले पारित गरेको थियो भने आगामी ३ वर्षको लागि धनकुमार श्रेष्ठको अध्यक्षतामा पाँच सदस्यीय कोष सञ्चालक समिति पनि चयन ग¥यो ।

भक्तपुर । वागीश्वरी कलेजमा अध्ययनरत स्नातक तहका बी.ए. तथा बी.एस.डब्लु. पहिलो वर्षमा समाजशास्त्र तथा सामाजिक कार्य विषय अध्ययनरत विद्यार्थीहरूको तीन दिने “Summer Urban camp” फर्पिङस्थित शिखरापुर क्याम्पसमा सम्पन्न भएको छ ।

उक्त शिविरमा शिखरापुर सामुदायिक क्याम्पसका प्राचार्य निरोज श्रेष्ठले विद्यार्थीहरुलाई बोटल हाउस तथा शिखरापुर सामुदायिक सिकाइ केन्द्रबाट सञ्चालित गाई फार्म, कुखुरा फार्म र कृषि फार्मको अवलोकन गराएका थिए ।
खेर गएका बोटल, पराल, कपाल तथा माटोबाट वातावरणमैत्री, भुकम्प प्रतिरोधात्मक र कम लागतमा बोटल हाउस निर्माण गरेको प्राचार्य श्रेष्ठले बताउनुभयो ।
विद्यार्थीहरुले शिखरापुर सामुदायिक क्याम्पस, शिखरापुर सामुदायिक विद्यालय, कृषि सिकाइ अनुसन्धान केन्द्र र शिखरापुर खुला विद्यालयको अवलोकन गर्नुका साथसाथै कृषि जे.टि.ए. सरिता नगरकोटिको विशेष सहयोगमा विद्यार्थीहरुले तरकारी (काक्रो, लौ“का, घिरौ“ला, फर्सी) रोप्ने अनुभव प्राप्त गरेका थिए ।
विद्यार्थीहरूका दुई समुहले शिखरापुरको ३० घरधुरीलाई नमुना छनोट गरी विवाहित महिलाहरूको आर्थिक अवस्थाबारे सर्वेक्षण गरेका थिए ।

उक्त सर्वेक्षणमा बढी महिलाहरु कम उमेरमा विवाह हुने, आधारभुत कक्षासम्म मात्रको पढाइ र कृषि पेशामा आवद्ध रहेको पाइएको थियो । नगरपालिकाबाट आउने सूचनाहरू समयमा थाहा नपाउ“दा विभिन्न तालिम लिनबाट वञ्चित भएको गुनासो सर्वेक्षणमा देखिएको थियो ।
उक्त शिविरको समापन समारोहमा प्रमुख अतिथि दक्षिणकाली नगरपालिकाका प्रवक्ता तथा वडा. नं. ९ का अध्यक्ष अम्रिका बलामीले विदेशमा गएर गर्ने दुःख स्वदेशमै कृषिमा गरे देश आत्मनिर्भर बन्ने बताउनुका साथै कृषि तथा व्यवसाय गर्ने व्यक्तिहरूलाई नगरपालिकाले विशेष अनुदान दिने बताउनुभयो ।
यस्तै, शिखरापुर सामुदायिक सिकाइ केन्द्रका अध्यक्ष श्यामबहादुर के.सी.ले नगरपालिकाबाट आउने सूचनाहरू समयमा थाहा नदिने गुनासोप्रति गम्भीर ध्यानाकर्षण भएको बताउदै शिखरापुरलाई अध्ययन क्षेत्र बनाइएकोमा धन्यवाद व्यक्त गर्नुभयो ।
वागीश्वरी कलेजका समाजशास्त्रका शिक्षिका एवं सभापति सुशिला कर्माचार्यले शिविरको महत्वबारे प्रष्टयाउ“दै शिविरबाट धेरै ज्ञान प्राप्त भएको बताउनुभयो ।
कार्यक्रममा शिखरापुर खुल्ला विद्यालयका संयोजक ललिता लामिछाने, रूक्मणी फाउण्डेशनका अध्यक्ष शशी शर्मा अर्याल, शिखरापुर सामुदायिक सिकाइ केन्द्रका सचिव निशा विसुन्खे लगायतको उपस्थिति रहेको थियो ।

भक्तपुर । वागीश्वरी कलेजको सहकार्यमा भक्तपुर जिल्ला अदालतका न्यायाधिशद्वारा फागुन १९ गते शुक्रबार वागीश्वरी कलेज सभाकक्षमा अन्तरक्रिया कार्यक्रम सम्पन्न भएको थियो । उक्त कार्यक्रममा वागीश्वरी कलेजका स्नातक तह मानविकी तथा व्यवस्थापन सङ्काय तेस्रो वर्ष र वागीश्वरी कलेज अफ म्यानेजमेन्टका व्यवस्थापन सङ्काय प्रथम सेमेष्टरका विद्यार्थी तथा शिक्षकहरुबिच सो अन्तरक्रिया कार्यक्रम गरिएकोे थियो
प्रमुख अतिथिमा रहनुभएका भक्तपुर जिल्ला अदालतका माननीय न्यायाधिश श्री तीर्थराज के.सीले ‘समुदायमा हाम्रो अदालत’ बाह्य पहुँच कार्यक्रम अन्तर्गत विद्यार्थीहरुलाई जनतामाझ न्यायिक जनचेतना जगाउन न्यायलय आफै जनतामाझ पुग्नुपर्ने कुरा व्यक्त गर्नुभएको थियो ।
कार्यक्रममा माननीय जिल्ला न्यायाधिश श्री महेन्द्र प्रसाद पोखरेलले पावर प्वइटबाट विद्यार्थीहरुलाई न्यायिक क्षेत्र, न्यायिक पहुँच, जनचेतनालगायत कानुनी तथा संबैधानिक कुराहरुबारे प्रशिक्षण दिनुभएको थियो । श्रेस्तेदार श्री ऋतबहादुर पुलामी, भक्तपुर शाखा अधिकृत नवराज खनाल तथा जेमिना प्रधान पनि कार्यक्रममा अतिथिका रूपमा उपस्थित भएका थिए ।
त्यसै गरी विद्यार्थीलाई सैद्धान्तिक ज्ञानसँगै न्यायिक क्षेत्रका कानुनी ज्ञान पनि आवश्यक रहेको वागीश्वरी कलेज प्राचार्य धनकुमार श्रेष्ठले कार्यक्रममा बताउनुहुँदै कलेजको तर्फबाट अतिथिहरुलाई मायाको चिनो प्रदान गर्दै कार्यक्रम सम्पन्न गर्नुभएको थियो ।

भक्तपुर । वागीश्वरी कलेज भक्तपुरमा ग्रामीण विकास विषय लिई अध्ययनरत विद्यार्थीहरूको फागुन १० गते एकदिने शैक्षिक भ्रमण सम्पन्न भएको छ । स्थानीय कौशलटारमा तोरी पेली तेल निकाल्ने प्रविधिको अवलोकन गर्नुका साथै पिनाको सही सदुप्रयोगबारे विद्यार्थीहरूलाई व्यावहारिक ज्ञान दिइएको थियो ।
३२ जना विद्यार्थीहरूको सहभागिता रहेको उक्त भ्रमणमा शिक्षकद्वय सुशीला घजू र सुन्दर ग्वाछाले किताबमा पढेको ज्ञानलाई व्यवहारमा विद्यार्थीलाई देखाउन र विद्यार्थीहरू जागिरमुखीभन्दा पनि उद्यमशील बन्न बनाउन उत्साहित गर्न यस्ता भ्रमणहरू नियमति रूपमा विभिन्न ठाउँमा गराउँदै आएको जानकारी दिनुभयो ।
अवलोकनकर्ता विद्यार्थीहरूमध्ये गौरव लामिछानेका अनुसार यो भ्रमणबाट अर्गानिक अन्न अनाजको महत्वबोध हुनुका साथै आफूहरूलाई उद्यमशील बन्न पे्ररित गरिएको छ । अर्गानिक खानालाई जोड दिन सके धेरै रोगव्याधी कम हुने रहेछ भन्दै विद्यार्थी लामिछानेले ग्रामीण क्षेत्रबाट सङ्कलित अर्गानिक अनेक दाल, चामल, मकै र गहुँका च्याँख्लाहरू, मह, फापर, कोदोको पीठो, आलस, बोडी, राजमा बेसार, जिम्मुहरू हेर्दा ग्रामीण क्षेत्रका विकासका सम्भावना धेरैै देखिएको र देशलाई आत्मनिर्भर बनाउन सकिने विश्वास आफूहरूमा विकास भएको अनुभव सुनाउनुभयो ।

भक्तपुर । वागीश्वरी कलेजमा अध्ययनरत समाजशास्त्रका विद्यार्थीहरुको तीन दिने सामुदायिक अध्ययन शिविर दोलखाको शैलुङ गाउँपालिकाको ढुङ्गेबजारलाई केन्द्रविन्दु गरी सम्पन्न भएको छ ।
दोलखा र रामेछाप जिल्लाको सिमानामा पर्ने दोरम्बा गाउँपालिकास्थित श्री शिवलिङ्गेश्वर मा.वि.मा विद्यालयका प्राधानाध्यापक खड्गबहादुर शाक्यले पानसमा दीप प्रज्जवलन गरी सुरु भएको शिविरमा उहाँले विकट मानिएको गाउँ शैलुङमा सामाजिक साँस्कृतिक पक्ष तथा समसामयिक विषयमा अध्ययन हुनुले विकट स्थानले पनि महत्व पाएको आभास दिलाएको कुरा प्रष्ट पार्नुभयो ।
आधुनिकताको नाममा गाउँका विद्यार्थीहरु शहर पसिरहेको सन्दर्भमा नगरका विद्यार्थीहरु गाउँतिर आई अध्ययन अवलोकन गर्न आउनु सह«ानीय पक्ष रहेको तथ्य औल्याउनुहुँदै उहाँले वागीश्वरी कलेजको अध्ययनले शैलुङको सकारात्मक परिवर्तनमा देन पुग्नेमा विश्वास व्यक्त गर्नुभयो ।
वागीश्वरी कलेजका सामाजशास्त्रका शिक्षिका सुशीला कमाचार्यले व्यवहारिक सिकाइ दीगो हुने र जीवन्त सिकाइले समाजमा व्यवहारिकता कायम गर्ने र समाजको एकतामा जोड दिने भएकोले सामुदायिक शिविर सञ्चालन गरिएको जानकारी दिनुभयो । उहाँले सामुदायिक शिविरले दुई भूगोललाई सामाजिक र सांस्कृतिक रुपमा एक बनाउनमा मद्दत गर्नेमा विश्वास व्यक्त गर्नुभयो ।
सोही कार्यक्रममा शिक्षक अम्बर श्रेष्ठले कार्यक्रमको औचित्य प्रष्ट्याउनुहुँदै कार्यक्रम तालिका र योजनाबारे स्पष्ट पार्नुभएको थियो । प्रफुल कर्माचार्यको सभापतित्वमा सम्पन्न सो कार्यक्रममा रोशना सुवालले सञ्चालन, स्वागत सरिना दुमरुले गर्नुभएको थियो ।
शिविरको दोश्रो दिन प्रभातकालीन कार्यक्रम अन्तर्गत शैलुङ डाँडाको भौगोलिक, साँस्कृतिक तथा धार्मिक अध्ययनको लागि पदयात्रा कार्यक्रम सम्पन्न भयो भने दिवा सत्र अन्तर्गत शैलुङ्ग गाउँपालिकाको मेहेले फलाँटे, काँडे, चित्रे, बोटले, लहरे, वालसार्पा क्षेत्रमा दाइजो प्रथाले सिर्जित सामाजिक चुनौती र महिला हिंसाको परिवर्तित रूप शीर्षकमा सामाजिक सर्वेक्षण सम्पन्न गरेका थिए । उक्त अध्ययन क्षेत्रका २०० घरलाई नमुना छनौटको रूपमा लिइएको थियो । सोही क्रममा सहभागी विद्यार्थीहरुले आ–आफ्नो अनुभव आदानप्रदान गरेका थिए ।

शिविरको तेश्रो तथा अन्तिम दिनको विहानी सत्रमा स्थानीय लालीगुराँस महिला समूहको सहयोगमा ‘पित्तृसत्तात्मक सोच, व्यवहार र सामाजिक परिणाम’ विषयमा अन्तरक्रिया सम्पन्न भयो । सो कार्यक्रममा संस्थाका अध्यक्ष दिलमाया तामाङले पित्तृसत्तात्मक सोच केही हदसम्म कायम रहेपनि पहिले भन्दा धेरै सुधार भएको बताउनुभयो । अर्का एक सहभागीले गाउँको महिलाहरुले उपचारको सुविधा नभएको कारण आफ्नो रोग लुकाउने गरेको कुरा बताएका थिए । बालविवाह तामाङ्ग समुदायमा बढ्नुको कारण भागी विवाह हुने गरेको कार्यक्रममा सहभागी सरिता तामाङ्गले बताइन् ।
सोही दिन सांस्कृतिक कार्यक्रम सहित शिविरको समापन गरिएको थियो । सो कार्यक्रमका शिक्षासेवी सुन्दर खड्काले वागीश्वर कलेजको शिविरले गाउँको शैक्षिक जगतमा एक ईट्टा थप्ने काम गरेको बताउनुभयो । ढुङ्गे सामुदायिक स्वास्थ्य इकाईका प्रमुख नागेन्द्र यादवले शिक्षालाई व्यवहारसँग जोड्ने शिविरको निरन्तरताको कामना गर्नुभयो । कलेजका प्राध्यापक सुशीला कर्माचार्यले विद्यार्थीहरु स्थानीय जनताहरुको माया र सहयोगबाट प्रभावित भएकोमा खुसी व्यक्त गर्नुभयो भने शिक्षक अम्बर श्रेष्ठले शिविरको सफलताका लागि सम्पूर्ण सहयोगीलाई धन्यवाद दिनुभयो । सो कार्यक्रममा सर्वेक्षणको संक्षिप्त प्रतिवेदन प्रस्तुत गरिएको थियो । कार्यक्रम कलेजका विद्यार्थीहरु र स्थानीय विद्यार्थीहरुले सांस्कृतिक कार्यक्रम प्रस्तुत गरेका थिए ।

भक्तपुर, २० मङ्सिर । वागीश्वरी कलेजको दशौं कलेज सभा मङ्गलबार सम्पन्न भएको छ ।
कार्यक्रमका सभापति एवं कलेज व्यवस्थापन व्यवस्थापन समितिका अध्यक्ष सुनिल प्रजापतिले प्रगतिसँगै शत्रु बढ्ने भएकोले कमीकमजोरीलाई निरुत्साहित गर्दै अगाडि बढ्नुपर्छ भन्नुभयो ।
जे गर्छ अब भक्तपुरले गर्छ भन्ने जनताको विचारलाई देशव्यापी बनाउन नेमकिपाले देशको अधिकांश जिल्लामा उम्मेदवारी दिँदा कसैको विरोध नभएको स्पष्ट पार्नुभयो ।
नेमकिपाले भक्तपुरमा अवलम्बन गर्दै आएको समाजवादउन्मुख प्रणालीलाई देशभरबाट नियालिरहेको बताउँदै ठूला राजनीतिक दलको विचारहीन, सिद्धान्तहीन राजनीतिबाट देश अस्थिर हुन्छ भन्नुभयो ।
नेमकिपाको तर्फबाट बाग्मती प्रदेशका नवनिर्वाचित सांसद सुरेन्द्रराज गोसाईले छोटो समयमा धेरै उपलब्धि हासिल गर्न सक्नु मात्र वास्तविक उपलब्धि हुने भएकोले कलेजले भौतिक, शैक्षिक, प्राज्ञिक र व्यवस्थापकीय क्षेत्रमा छिटो प्रगति गर्नेमा विश्वास व्यक्त गर्नुभयो ।
आजकल कुनै पनि संस्थामा कार्यरत व्यक्तिले कति समय पुस्तकालयमा बिताउँछ भन्ने आधारमा पनि त्यस संस्थाले कस्तो जनशक्ति उत्पादन गर्छ भन्ने अनुमान गर्न सकिने भनाईलाई उद्धृत गर्दै उहाँले समाजमा हुने गरेको अन्धविश्वासलाई चिर्नको लागि बौद्धिक वर्गले ध्यान दिनुपर्नेमा जोड दिनुभयो ।

देशको समसामयिक विषयवस्तु, विभिन्न समस्या तथा चुनौतीहरुबारे नियमित रूपमा मासिक अन्तरक्रिया गरी कलेजलाई चिन्तनको चौतारी बनाउन जोड दिँदै उहाँले समाज परिवर्तनको लागि तयार हुने विद्यार्थी उत्पादन गर्नेतिर ध्यान दिन अनुरोध गर्नुभयो ।
भक्तपुर नगरपालिकाका उपप्रमुख रजनी जोशीले युवा पुस्तालाई समेट्नका लागि अनुसन्धानमा जोड दिँदै भक्तपुरको असल अभ्यास अध्ययन गर्न पाकिस्तानबाट भक्तपुर नगरपालिकाको भ्रमण हुनुबाट भनपा अन्तर्राष्ट्रियस्तरमै परिचित भएको स्पष्ट पार्नुभयो ।
भक्तपुरलाई ज्ञानविज्ञानको केन्द्र बनाउने नेमकिपाको उद्देश्यलाई पूर्ति गर्न ख्वप विश्वविद्यालय स्थापना गर्न भक्तपुरका जनता सङ्घर्षरत रहेको हुँदा हरेक कोणबाट वागीश्वरी कलेजको तर्फबाट पनि सहयोग हुने उहाँले विश्वास व्यक्त गर्नुभयो ।
वागीश्वरी मावि व्यवस्थापन समितिका अध्यक्ष रवीन्द्र ज्याख्वले नयाँ पुस्तालाई समसामयिक विषयवस्तुबारे जानकारी गराउँदै गलत बाटोमा जानबाट रोक्ने प्रयास गर्नुपर्ने बताउनुभयो ।
कार्यक्रममा कलेजका प्राचार्य धनकुमार श्रेष्ठद्वारा प्रस्तुत शैक्षिक वर्ष २०७८÷२०७९ को कलेजको वार्षिक प्रगति प्रतिवेदन, आ.व. २०७९÷०८० को बजेट तथा आ.व. २०७८÷०७९ को अन्तिम लेखा परीक्षण प्रतिवेदन बैठकले अनुमोदन गरियो ।
कार्यक्रममा वागीश्वरी माविका प्रधानाध्यापक कृष्णप्रसाद धन्छा र कलेजका संयोजक ज्ञानसागर प्रजापति, शिक्षक मङ्गलेश्वर ध्वजूले पनि बोल्नुभएको थियो ।

भक्तपुर, १२ असार । नेपाल मजदुर किसान पार्टीका केन्द्रीय सदस्य एवं बाग्मती प्रदेश सभाका सांसद सुरेन्द्रराज गोसाईले वागीश्वरी कलेज भक्तपुरको निर्माणाधीन भवनको निरीक्षण गर्नुभएको छ । बाग्मती प्रदेश सरकारको ‘प्रदेश पूर्वाधार विकास साझेदार कार्यक्रम २०७८’ को शिक्षा बजेटबाट रु. ४९ लाख ३० हजारको लागतमा कलेजको भवन निर्माण भइरहेको हो ।
निरीक्षणको क्रममा उहा“ले कार्यप्रगतिप्रति सन्तोष व्यक्त गर्दै निर्माण सामग्री र निर्माण कार्यको गुणस्तरीयमा विशेष ध्यान दिन सुझाव दिनुभयो साथै उहा“ले भवन पूरा गर्न थप सहयोगको लागि प्रदेशमा प्रयास भइरहेको पनि जानकारी दिनुभयो ।
कलेजका प्राचार्य धनकुमार श्रेष्ठ, कलेजका अनुसन्धान व्यवस्थापन एकाइ (आरएमसी) का संयोजक प्रा.डा. सिद्धिवीर कर्माचार्य र कलेज भवन निर्माण उपभोक्ता समितिका सचिव ज्ञानसागर प्रजापतिले स्वागत गर्दै निर्माणाधीन भवन निरीक्षणमा सहजीकरण गर्नुभएको थियो ।
सो अवसरमा सांसद गोसाईसित प्राचार्य श्रेष्ठले भवन निर्माण सम्पन्न गर्न अब अन्तिम एक तलामात्र बा“की रहेको हु“दा थप सहयोगको निम्ति आग्रह गर्नुभयो भने उपभोक्ता समितिका सचिव प्रजापतिले निकासा भएको रकमको सम्पूर्ण विल भर्पाई फछ्र्यौटका लागि भनपामा पेश गरिसकेको जानकारी दिनुभयो । कलेजको लागि प्रदेशको बजेट भक्तपुर नगरपालिकामार्फत निकास हुने गरिएको छ ।

११ असार, भक्तपुर । वागीश्वरी कलेज कमलविनायकमा ‘युज अफ आईसीटी इन टेक्नोलोजी’ विषयक तीन दिने कार्यशाला शुरु भएको छ । कार्यशालाका प्रमुख अतिथि बाग्मती प्रदेश सभाका सांसद सुरेन्द्रराज गोसाईले आइसीटीको महत्वमाथि प्रकाश पार्दै चीन र प्रजग कोरियालगायतका समाजवादी देशहरुका प्रगतिमा आइसीटीको महत्वपूर्ण भूमिका रहेको बताउनुभयो ।
नयाँ पुस्ता आइसीटीसित जति अभ्यस्त भइरहेका छन् त्यति नै सामाजिक जीवनबाट टाढिँदै नयाँ पुस्ता एक्लोपन हुँदै गएको तर्फ सबै सचेत हुनुपर्नेमा जोड दिँदै उहाँले नयाँ पुस्तालाई देशभक्ति भावना दिन नसके सिकेको सीप आफन्ै देशकाविरुद्ध दुरुपयोग हुन सक्छ भन्नुभयो ।
विद्यार्थीलाई सीमित पाठ्यपुस्तकको घेरामा नराखी राष्ट्रिय र अन्तर्राष्ट्रिय समसामयिक विषयमा पनि जानकार बनाई राख्न सुझाव दिँदै नेमकिपाले एमसीसीको निरन्तर विरोध गरिरहेको तथ्य आज एसपीपीले थप पुष्टि गरेको छ भन्दै उहाँले संरा अमेरिकाले चीनलाई घेर्ने नीतिअनुरुप यी गतिविधि भइरहेको र त्यसको नकारात्मक प्रभाव नेपालमा देखा परेको बताउनुभयो । उहाँले विद्यार्थीलाई स्ट्रङ, स्मार्ट र स्माइलका साथ पठनपाठन गर्न सके शिक्षण सिकाइ प्रभावकारी हुने पनि उहाँले बताउनुभयो ।
कार्यक्रमको सभापति प्रा.डा. सिद्धिवीर कर्माचार्यले सत्यनिष्ठ, इमान्दारी र सरल जीवनलाई जोड दिँदै अरुको निम्ति उदाहरणीय बन्नुपर्छ भन्दै ती विना कोही कही सफल हुँदैन भन्नुभयो । हरेक विषयमा आइसीटीले गर्ने सूक्ष्म विश्लेषणको आधारमा काम गर्न सके कोही पनि असफल नहुने चर्चा गर्दै उहाँले शिक्षकहरुलाई सक्रिय जीवनको लागि सुझाव दिनुभयो ।
कार्यक्रममा वागीश्वरी कलेजका प्राचार्य धनकुमार श्रेष्ठ, वागीश्वरी माविका प्रधानाध्यापक कृष्णप्रसाद धन्छा र स्कुलका +२ संयोजक ज्ञानसागर प्रजापतिले पनि आइसीटीबारे आ–आफ्नो विचार राख्नुभएको थियो ।
कार्यक्रममा ई. राजन कर्माचार्य, आईटी कन्सल्ट्यान्ट पदमराज पन्तले प्रशिक्षण गर्नुभएको थियो । कार्यशाला असार १२ र १३ गते सम्म चल्ने छ ।

भक्तपुर । वागीश्वरी कलेज बीएसडब्लू दोस्रो वर्षका विद्यार्थीहरुको तीन दिने ग्रामीण शिविर इन्द्रेसरोवर गाउँपालिका–४, फाखेल मकवानपुरमा सम्पन्न भयो ।
“सामाजिक कार्य गर्नको लागि समुदायमा भिज्नुपर्छ । समुदायको लागि म भन्दा पनि हामीको भावना लिएर सामाजिक कार्य गर्दा सजिलो हुन्छ ।” प्रस्तुत भनाइ इन्द्रेसरोवर गाउँपालिकाका प्रमुख जीवन लामाको हो । उहाँले ५ वर्षको अवधिमा गाउँपालिकामा शैक्षिक, स्वास्थ्य र पर्यटकीय क्षेत्रमा गरेको कार्यबारे बताउँदै गाउँपालिकामा दुई प्राविधिक शिक्षालय भएको जानकारी दिनुभयो ।
समापन समारोहमा इन्द्रसरोवर गाउँपालिका वडा नं. ४ को वडा अध्यक्ष एवम् कालिका मावि वि.व्य.स. अध्यक्ष धनवीर स्याङटाङले सामाजिक कार्यका विद्यार्थी समाजको आमूल परिवर्तनका लागि खटिनुपर्छ र शिविरको क्रममा सिकेका कुरा व्यवहारमा उतारेर स्वदेशमै रोजगार गर्न प्रोत्साहन गर्नुभयो ।
कार्यक्रमका सभापति एवम् शिविरका संयोजक मङ्गलेश्वर ध्वजूले सिंगो इन्द्रसरोवर गाउँपालिका सामाजिक कार्यका लागि प्रचुर सम्भावना रहेको र ग्रामीण सभ्यता नै मानव सभ्यताको उद्गम हो भन्नुभयो । स्थानीय बुद्धिजीवी धीरज लामाले सबै धर्ममा सामाजिक कार्यको महत्व रहेको बताउनुभयो । सो कार्यक्रममा विद्यालय व्यवस्थापन समितिका सदस्य सावित्री सुनार, सहायक प्रधानाध्यापक ठूलीमाया बलामी, शिखरापुर सामुदायिक कलेजका प्राचार्य तथा शिखरापुर सामुदायिक सिकाई केन्द्रका व्यवस्थापन निरोज श्रेष्ठ, सहजकर्ता विद्यालयका प्राविधिक शिक्षकले पनि बोल्नुभएको थियो ।
सो शिविरका सुपरिवेक्षक सुन्दर ग्वाच्छाले स्वागत गर्नुभएको सो कार्यक्रममा विद्यार्थीहरु कृपा प्रजापति, गौरव लामिछाने, काजल थापा, मालती पराजुली, मनिसा सुवाल र नम्रता रन्जितकारले शिविरको तीन दिने अनुभव सुनाएका थिए । साथै सम्पूर्ण अतिथिहरुलाई वागीश्वरी कलेजको तर्फबाट मायाको चिनो प्रदान गरिएको थियो ।
कलेजका २ जना शिक्षकहरुको मार्गनिर्देशनमा सहभागी २३ जना विद्यार्थीहरुल शिविरमा कृषि फार्मको अवलोकन, विद्यालयको विज्ञान, कृषि, बिउबिजन प्रयोगशालाको अवलोकन, कृषि विषयमा प्रस्तुतीकरण, विभिन्न टोलीले विभिन्न कक्षामा गएर महिनावारी, रेड क्रस, स्काउट, जुम्बा डान्सका साथै विभिन्न क्रियाकलाप गराइएको थियो ।