Author: baigiswori College

भक्तपुर– वागीश्वरी मावि र वागीश्वरी कलेज भक्तपुरले आ.व. २०७६÷०७७ को लागि छुट्टाछुट्टै अनुमानित बजेट पारित गरेका छन् । विद्यालयको लागि १२ करोड ३५ लाख ६२ हजार ६३८ रुपैया ८५ पैसा र कलेजको लागि ४. करोड ९६ लाख ८० हजार ८२० रुपैया १४ पैसाको आय व्यय बजेट पारित गरिएको हो । 

विद्यालयतर्फ
आ.व. २०७५÷०७६ का लागि पारित १० करोड ५८ लाख ८७ हजार ५०८ रुपैयाको बजेट पूर्वानुमान गरिएकोमा यथार्थमा ११ करोड ५२ लाख ३२ हजार २४४ रुपैया ४६ पैसाको आर्थिक कारोबार भएको थियो । लेखा प्रशासनका अनुसार कक्षा ११ र १२ को आम्दानी असारमै अग्रिम आय भएकाले पूर्वानुमानभन्दा बढी आय व्यय भएको हो । 
बजेटमा सरकारी दरबन्दीमा रहेका ५१ जना शिक्षकहरुका लागि तलब अनुदान २ करोड २ लाख ४३ हजार ३८७ रुपैया र पोशाक भत्ता छात्रवृत्ति, मसलन्द र खुल्ला विद्यालयलगायतको अनुदान २९ लाख ३९ हजार ८०० रुपैया निकासा हुने अनुमान गरिएको छ । नेपाल सरकारले यस वर्ष कर्मचारीको तलब १८–२० प्रतिशत वृद्धि गरेको हु“दा सोही अनुसार शिक्षकहरुको बढेको तलब हिसाब गरी उक्त तलब अनुदान अनुमान गरिएको हो । स्मरणीय होस् कि अहिले प्रावि तहको २६६१०÷–, निमावि तहको २८,२००÷– र मावि तहको ३५९९०÷– न्यूनतम तलब स्केल निर्धारण गरिएको छ । 
कक्षा १ देखि १० सम्मका विद्यार्थीहरुबाट गत वर्ष १ करोड २२ लाख ३७ हजार ८५० रुपैया आम्दानी हुने अनुमान गरिएकोमा यथार्थमा १ करोड २२ लाख २१ हजार ५५६ रुपैया आम्दानी भएको थियो भने यसवर्ष १ करोड ४३ लाख ९१ हजार ९७५ रुपैया आम्दानी हुने अनुमान गरिएको छ । 
त्यस्तै कक्षा ११ र १२ बाट गतवर्ष ३ करोड १७ लाख ४६ हजार २० रुपैया आम्दानी हुने अनुमान गरिएकोमा यथार्थ ३ करोड ९७ लाख ५५ हजार ८७९ रुपैया भएको हु“दा यस वर्ष ३ करोड ५७ लाख १६ हजार ७४८ रुपैया आम्दानी हुने अनुमान गरिएको छ । 
आम्दानीकै क्रममा पसल बहालबाट ११ लाख, विविध संघ संस्थाबाट १ लाख, कलेज बहालबाट २ लाख, व्याजबाट १५ लाख, विद्यार्थी धरौटी र छात्रवृत्ति कोषबाट ११ लाख ७० हजार आम्दानी हुने अनुमान गरिएको छ । 
विद्यार्थीको अनुपातमा शिक्षक दरबन्दी न्यून भएकाले विद्यालयकै निजी स्रोतबाट व्यवस्था गरिएका शिक्षक कर्मचारीका लागि बजेटमा २ करोड २३ लाख १ हजार ४५२ रुपैया तलबी खर्च व्यवस्था गरिएको छ । निजी स्रोतमा कार्यरत स्वयम्सेवक शिक्षक र आयाहरुका लागि यसवर्ष ५्र८ प्रतिशतसम्म तलब वृद्धि गरिएको छ भने ५ वर्ष सेवा गरेका स्वयमसेवक शिक्षकहरुका लागि उपदानकोषमा पारिश्रमिकको ५ प्रतिशत सञ्चिती कोषको व्यवस्थालाई विगत वर्षहरुमा झैं यस वर्ष पनि निरन्तरता दिइएको छ । 
त्यस्तै कक्षा ११–१२ का शिक्षकहरुका लागि पारिश्रमिकमा २ करोड ३३ लाख ६० हजार रुपैया व्यवस्था गरिएको छ । कक्षा ११–१२ का शिक्षक पारिश्रमिक साविकभन्दा १३ प्रतिशतमात्र वृद्धि गरिएको छ । 
बजेटमा कार्यालय सञ्चालनको लागि १० प्रतिशत रकम छुट्याइएको छ भने छात्रवृत्तिको लागि रु.४५ लाख छुट्याइएको छ । त्यस्तै ट्याङ्करबाट खानेपानी खरिदका लागि मात्र रु. ५ लाख ५० हजार व्यवस्था गरिएको छ । 
बजेटको ९ प्रतिशत रकम पू“जीगत निर्माणमा छुट्याइएको छ । फर्निचर, मेशिनरी सामान, विज्ञान प्रयोगशालालगायत ब्रह्मचारिणी  आधारभूत विद्यालय सञ्चालनार्थ भवन निर्माणको लागि पनि रकमव्यवस्था गरिएको छ । 

टेक्सतर्फ 
सामुदायिक विद्यालयमा प्राविधिक शिक्षा ९त्भ्ऋक्० सञ्चालनको लागि आ.व. २०७६÷०७७ को लागि रु. १ करोड ९८ लाख ३८ हजार ४९३ रुपैया ७८ पैसाको बजेट विनियोजन गरिएको छ । 

कलेजतर्फ
आ.व. २०७६÷०७७ को लागि पारित ४ करोड ९६ लाख ८० हजार ८२० रुपैया १४ पैसाको बजेटमा विद्यार्थीबाट २ करोड २७ लाख ७६ हजार ८८८ रुपैया ५० पैसा आम्दानी हुने अनुमान गरिएको छ भने नियमित अनुदान, ऋण सापत, प्रदेश सरकारलगायतबाट १ करोड १२ लाख आम्दानी हुने अपेक्षा गरिएको छ । त्यस्तै बैंक मौज्दात १ करोड ५७ लाख ३ हजार ९३१ रुपैया ६४ पैसा रहेको पनि बजेटमा उल्लेख छ । 
खर्चतर्फ शिक्षक कर्मचारीलाई तलब पारिश्रमिकमा १ करोड ७५ हजार १०२ रुपैया ९९ पैसा, प्रकाशन प्रशारणका लाग ८ लाख ५० हजार छात्रवृत्तिको लागि ३० लाख, अनुसन्धानमूलक कार्यको लागि ६ लाख र भवन निर्माणको लागि २ करोड २३ लाख रुपैया बजेटमा छुट्याइएको छ । 
 

भक्तपुर– वागीश्वरी कलेजमा अध्ययनरत स्नातक र स्नातकोत्तर तहका विद्यार्थीहरुलाई आ.व. २०७५÷७६ मा रु.२६ लाख १ हजार ६ सय रुपैया बराबरको छात्रवृत्ति प्रदान गरेको छ । जसमा स्नातक तहमा २७४ जना र स्नातकोत्तर तहमा ६७ जना गरी जम्मा ३४१ जना विद्यार्थीहरु उक्त छात्रवृत्तिबाट लाभान्वित भएको कलेज प्रशासनले जनाएको छ । 
 

भक्तपुर– वागीश्वरी कलेजमा स्नातक तह बीए÷बीएसडब्लू र बीबीएस प्रथम वर्षमा भर्ना कार्यक्रम सुरु भएको छ । प्रथम वर्षमा भर्नाको लागि श्रावण २९ गते लिइएको पहिलो चरणको प्रवेश परीक्षामा सम्मिलित हुन बीबीएसको लागि ८० जना र बीए÷बीएसडब्लूको लागि ५३ जना गरी जम्मा १३३ जना विद्यार्थीहरुले भर्ना आवेदन फारम भरेका थिए । 
प्रवेश परीक्षामा उत्तीर्ण भएका विद्यार्थीहरुको अन्तर्वार्ता लिईसकेको र अन्तर्वार्तामा सफल विद्यार्थीहरुलाई भर्ना लिने क्रम जारी रहेको कलेज प्रशासनले जानकारी दिए । कलेज प्रशासनका अनुसार भर्ना हुने अन्तिम मिति भाद्र १३ गते तोकिएको छ । 
त्यस्तै दोस्रो चरणको प्रवेश परीक्षा भाद्र ७ गते सम्पन्न भएको थियो ।

Research Based Writing and Publication Training 2075

https://www.youtube.com/watch?v=jfRl_ZJ_yfs

काठमाण्डौ । वागीश्वरी कलेज स्नातक तह प्रथम वर्ष सामाजिक कार्य अन्तर्गतका ३६ जना विद्यार्थीहरूले दक्षिणकाली नगरपालिका वडा नं. ३ फर्पिङस्थित शिखरापुर सामुदायिक अध्ययन केन्द्र (बोतल हाउस)मा विभिन्न सामाजिक कार्य गरेर यही जेष्ठ २५ देखि २७ गतेसम्म तीन दिने गृष्मकालीन शिविर सञ्चालन गरेका छन् । 
उ्रक्त शिविरमा शिखरापुर सामुदायिक विद्यालयका प्रधानाध्यापक एवम् अध्ययन केन्द्रका निरोज श्रेष्ठले सामाजिक कार्य प्रयोगात्मक कार्य भएकोले सैद्धान्तिक ज्ञानलाई समाजको हितमा प्रयोग गर्नुपर्ने आवश्यकता रहेको बताउनुभयो । उहा“ले समुदाय एउटा पर्खालबिना विद्यालय हो । समुदायका हरेक व्यक्ति स्रोतव्यक्ति हुन्छ । सबैले सबैबाट सिक्न जरूरी छ भन्नुभयो । सामुदायिक अध्ययन केन्द्रले गरेका विभिन्न गतिविधिको जानकारी दि“दै उहा“ले शिखरापुर सामुदायिक विद्यालय÷क्याम्पसको स्थापना गरेको, खेर जाने वस्तुको पुनःप्रयोग गरी आकर्षक वातावरणमैत्री बोतल हाउस निर्माण गरेको, करिब ३० रोपनीमा अर्गानिक खेती, गरिब तथा जेहेन्दार विद्यार्थीलाई निःशुल्क पठनपाठन व्यवस्था गरेको आदि जानकारी दिनुभयो ।
विषय शिक्षक राजन चौगुठीको संयोजकत्वमा गएको सो टोलीले वातावरणमैत्री बोतल हाउस निर्माण, टहरा निर्माण, कफि खेती, फिल्ड सर्भे तथा तथ्याङ्क संकलन र फर्पिङ जलविद्युत आयोजनाको स्थलगत अध्ययन अवलोकन गरेका थिए ।
स्थलगत अध्ययनकै क्रममा सेतीदेवी माध्यमिक विद्यालयका प्रधानाध्यापक रामकुमार बस्नेतले समुदायबाट सिक्ने सिकाउने परिपाटी जीवनपर्यन्त सिकाइको अभिन्न अङ्ग हो भन्दै फर्पिङ जलविद्युत आयोजना सरकारको बेवास्ताका कारण हाल बन्द अवस्थामा रहेको बताउनुभयो साथै उहा“ले सो आयोजना स्थानीय निकायलाई जिम्मा दिनुपर्ने आवश्यकता औंल्याउनुभयो । 
स्थानीय समाजसेवी शशी शर्मा अर्यालले समाज परिवर्तन गर्न आफै अग्रसर बन्नुपर्ने बताउ“दै त्यसको लागि ईच्छाशक्ति आवश्यक छ भन्नुभयो । सामाजिक कार्यमा संलग्न विद्यार्थीहरूलाई प्रमाणपत्र वितरण गर्दै उहा“ले विद्यालय स्थापना गर्दाको अनुभव सुनाउनुभयो । सो कार्यक्रममा निरोज श्रेष्ठ, विषय शिक्षक राजन चौगुठी लगायतले बोल्नुभयो ।
 

नेपाल क्रान्तिकारी शिक्षक संघ वागीश्वरी एकाइ समितिको आयोजनामा शुक्रबार १०९ औं अन्तर्राष्ट्रिय श्रमिक महिला दिवसको अवसरमा प्रवचन कार्यक्रम सम्पन्न भएको छ ।
कार्यक्रमका प्रमुख अतिथि नेपाल क्रान्तिकारी महिला सङ्घका केन्द्रीय सदस्य गङ्गा वैद्यले पुरुष र महिलामा भएको पितृसत्तात्मक सोचका कारण महिलाहरु पछाडि परेको हो भन्नुभयो । 
शताब्दी अगाडि क्लारा जेटकिनलगायतका महिला नेतृहरुले महिलालाई मताधिकार र दैनिक ८ घण्टा कामका लागि गरेको सङ्घर्षले नै आज महिलाहरु अगाडि बढेको बताउ“दै उहा“ले महिलाहरु राजनैतिक रूपले सचेत र संगठित हुन आवश्यक भन्नुभयो । 
नेक्राशिसंघका केन्द्रीय अध्यक्ष ज्ञानसागर प्रजापतिले समाजमा व्याप्त छुवाछुट, धामी झा“क्रीलगायतका अन्धविश्वासलाई छोड्दै जानुपर्ने आवश्यकता औंल्याउ“दै समाजलाई अगाडि बढाउन कुसंस्कारलाई परिवर्तन गर्नुपर्छ भन्नुभयो । 
२०४५ सालमा राज्यस्तरबाट रचिएको भक्तपुर काण्डमा भएको प्रहरी दमनविरुद्ध महिलाहरुले गरेको आन्दोलनको प्रसङ्ग जोड्दै उहा“ले महिलाहरु पनि एउटा शक्ति हो, महिलाहरुले पनि समाज परिवर्तन गर्न सक्छ भन्नुभयो । 
नेक्राशिसंघका प्रतिनिधि अम्बिका न्याइच्याइले भक्तपुरमा २०३९ सालदेखि नै प्रौढ कक्षा, साक्षरता कक्षा सञ्चालन गरेको प्रसङ्ग जोड्दै उहा“ले संसारको आधा आकाश ढाकेको महिलाहरुलाई राजनैतिक, आर्थिक, सामाजिक र सांस्कृतिक रूपमा अगाडि बढाउन शिक्षा अत्यावश्यक छ भन्नुभयो ।
उत्पादनका साधनमाथिको स्वामित्वले समाजको संस्कार र संस्कृति निर्धारण हुने कार्ल माक्र्सको भनाइलाई उद्धृत गर्दै उहा“ले समाजको सांस्कृतिकस्तर माथि उकास्न उत्पादनका साधनमाथिको स्वामित्वका लागि श्रमिक महिलाहरु संगठित हुनुपर्छ भन्नुभयो । 
आयोजक समितिका अध्यक्ष विश्वेश्वर मानन्धरको सभापतित्वमा भएको कार्यक्रममा शिक्षिकाहरु मैयाकेशरी कोजू, कृष्णमाया गोसाई, सिर्जना पन्थ, श्रीया पहिजु, जुना प्रजापति, रामलक्ष्मी अवाललगायतले बोल्नुभएको थियो । 
फागुन २२ गते बुधबार वागीश्वरी कलेजको आयोजनामा पनि अन्तर्राष्ट्रिय श्रमिक महिला दिवसको उपलक्ष्यमा कलेजका विद्यार्थीहरुबीच प्रवचन कार्यक्रम भएको थियो । 
 

वागीश्वरी कलेजले विश्वविद्याय अनुदान आयोगको गुणस्तर सुनिश्चितता प्रत्यायन चिह्न (QAA- Quality Assurance and Accreditation) प्राप्त गर्न प्राचार्य धनकुमार श्रेष्ठको नेतृत्वमा गएको गुणस्तर चिह्न प्राप्त विभिन्न सामुदायिक कलेजहरुको अवलोकन भ्रमणबारे जानकारी कार्यक्रम माघ १२ गते सम्पन्न भएको छ ।
कार्यक्रममा कलेज व्यवस्थापन समितिका प्रतिनिधि ज्ञानसागर प्रजापतिले  सबै कलेजको आ–आफ्नो सबल पक्षहरु हुने हु“दा वागीश्वरी कलेजको सबल पक्षलाई ध्यान दिंदै अरु कलेजको सबल पक्षबाट सिक्नुपर्छ भन्नुभयो । 
सामाजिक भावना भएको विद्यार्थी उत्पादनमा शिक्षक शिक्षिकाहरुको महŒवपूर्ण भूमिका हुने बताउ“दै उहा“ले शिक्षक शिक्षिकाहरुको सकारात्मक भूमिकाको निम्ति अनुरोध गर्नुभयो । 
प्राचार्य धनकुमार श्रेष्ठले कलेजमा अध्यापनरत शिक्षकहरुलाई भ्रमणबारे जानकारी दिंदै कलेजले गरेका विभिन्न कार्यमा प्रतिबद्ध हुन अनुरोध गर्नुभयो ।
भ्रमण टोलीका सदस्य डा. बलराम दुवालले अनुभव बताउ“दै समुदायले अपनत्व महसुस गर्न सक्नेगरि प्रत्यक्ष सहभागिता र लाभ हासिल हुनेगरि कार्यक्रम र गतिविधिहरु संचालन गर्नुपर्ने आवश्यकता औंल्याउनुभयो । 
 

वागीश्वरी कलेजले विश्वविद्याय अनुदान आयोगको गुणस्तर सुनिश्चितता प्रत्यायन चिह्न (QAA- Quality Assurance and Accreditation) प्राप्त गर्न प्राचार्य धनकुमार श्रेष्ठको नेतृत्वमा गुणस्तर चिह्न प्राप्त विभिन्न सामुदायिक कलेजहरुको अवलोकन भ्रमण सम्पन्न गरेको छ । 
भ्रमण मध्यविन्दु कलेज, कावासोती, नवलपरासी, महाकवि देवकोटा क्याम्पस, सुनवल, नवलपरासी, कैलाली बहुमुखी क्याम्पस, धनकढी, कैलाली, लुम्बिनी वाणिज्य क्याम्पस, बुटवल, रुपन्देही र बालकुमारी कलेज, नारायणगढ, चितवनमा गरेको थियो । 
भ्रमणले वागीश्वरी कलेजलाई त्तब्ब् प्रकृयामा अगाडि बढ्नको लागि सहज अनुभूति भएको कलेजका प्राचार्य धनकुमार श्रेष्ठले बताउनुभयो । 
 

भक्तपुर– वागीश्वरी माध्यमिक विद्यालयबाट अनिवार्य अवकाश प्राप्त शिक्षिका वसन्तलक्ष्मी कर्माचार्यको सम्मान एवं विदाई कार्यक्रम आइतबार सम्पन्न भएको छ । 
कार्यक्रममा प्रमुख अतिथि विद्यालय व्यवस्थापन समितिका सदस्य एवं पूर्व प्राचार्य मोहनप्रसाद प्रजापतिले विद्यालयको कुनै पनि समस्यालाई शिक्षक शिक्षिकाहरुले आपसी छलफलबाट समाधान गर्नुपर्ने आवश्यकता औंल्याउनुभयो । 
अतिथि प्रजापतिले विद्यालयको प्रगतिको लागि सम्मानित शिक्षिकाले सञ्चय कोषको ९० प्रतिशत ऋण सहयोग गरेको सम्झना गर्नुभयो । 
वागीश्वरी कलेजका प्राचार्य धनकुमार श्रेष्ठले शिक्षिका बसन्तलक्ष्मी कर्माचार्यको अनुकरणीय गुणहरुलाई नया“ पुस्ताले आत्मसात गर्दै जानुपर्ने आवश्यकता औंल्याउनुभयो । 
विद्यालयका सहप्रअ ज्ञानसागर प्रजापतिले दमनेको विरुद्ध झुकनुहु“दैन भनी पेशागत हकहित र जनपक्षीय राजनीतिक आन्दोलनलाई अगाडि बढ्नुहुने शिक्षिका वसन्तलक्ष्मी कर्माचार्यबाट सिक्नुपर्ने बताउनुभयो । 
विद्यालय व्यवस्थापन समितिका सदस्य एवं जननिर्वाचित ९ वडा सदस्य छोरीमैया सुजखुले शिक्षक शिक्षिकाले पठनपाठनस“गै सामाजिक गतिविधिमा पनि लाग्नुपर्छ भन्नुभयो । 
विद्यालयका प्रधानाध्यापक कृष्णप्रसाद धन्छाको सभापतित्वमा भएको कार्यक्रममा प्रावि इन्चार्ज कृष्णमान मलेपति, राजन लाखा, शिक्षिका शोभा प्रधानलगायतले बोल्नुभएको थियो । 
प्रमुख अतिथि प्रजापतिले अवकाश प्राप्त शिक्षिकालाई दोसल्ला ओढाई मायाको चिनो प्रदान गर्नुभएको थियो ।  

वागीश्वरी माध्यमिक विद्यालयमा विगत २०४० सालदेखि २०६५ सालसम्मका प्रतिनिधि विद्यार्थीहरुको भेलाबाट रत्नप्रसाद प्रजापतिको अध्यक्ष्ँतामा २५ सदस्यीय वागीश्वरी पूर्व विद्यार्थी समाज गठन भएको छ । 
भेलाबाट ५ सदस्यीय सचिवमण्डल गठन गरेको छ । जसमा अध्यक्ष रत्नप्रसाद प्रजापति, उपाध्यक्ष्ँ रुपेश प्रजापति, सचिव विकल प्रजापति, सहसचिव समिर शाही र कोषाध्यक्ष पुनम जोशी रहेका छन् ।
भेलाले रत्नप्रसाद प्रजापतिको संयोजकत्वमा विकल प्रजापति र डा. बलराम दुवाल सदस्य रहेको विधान मस्यौदा समिति गठन गरेको छ ।
वागीश्वरी पूर्व विद्यार्थी समाजको तर्फबाट हालसम्म नगद रु.५ लाख १३ हजार ३ सय ३७ रुपैया“ वागीश्वरी माविलाई आर्थिक सहयोग गरेको छ । 
 

भक्तपुर । वागीश्वरी कलेजको छैटौं वार्षिक साधारण सभा पुस १० गते मङ्गलबार कलेज सभाहलमा सम्पन्न भएको छ । 
साधारणसभामा भक्तपुर नगरपालिकाका प्रमुख एवं वागीश्वरी कलेज व्यवस्थापन समितिका अध्यक्ष सुनिल प्रजापतिले भक्तपुर शैक्षिक केन्द्रको रूपमा विकास भइरहेको बताउ“दै यस वर्ष मात्र देशका विभिन्न ३१ नपाका मेयर उपमेयर भक्तपुरको शैक्षिक अवलोकन भ्रमणमा आएको बताउनुभयो । 
नाफामुखी नभई सेवामुखी भावनाले कलेज सञ्चालन भईरहेको बताउ“दै उहा“ले कलेजलाई सङ्ख्यात्मक मात्र नभई गुणात्मक दृष्टिले पनि हेर्नुपर्छ भन्नुभयो । 
गरीब तथा जेहेन्दार विद्यार्थीलाई प्रशस्त छात्रवृत्ति प्रदान गर्दै आर्थिक हिसाब पारदर्शि गर्दै आइरहेको यस कलेज सामूहिक भावनाका साथ अघि बढिरहेको उहा“ले बताउनुभयो । 
वागीश्वरी माध्यमिक विद्यालय व्यवस्थापन समितिका अध्यक्ष रविन्द्र ज्याख्वले कलेजका सकारात्मक पक्षलाई बढिभन्दा बढि सार्वजनिक गर्दै अघि बढ्नुपर्ने सुझाव दिनुभयो ।
पूर्व विद्यार्थी एवं प्रदेश नं.३ का सांसद सृजना सैंजूले विद्यार्थीहरुलाई शैक्षिक गुणस्तर स“गस“गै राजनीतिक रूपमा पनि सबल बनाउ“दै लग्नुपर्ने आवश्यकता औंल्याउनुभयो । 
साधारणसभाको बन्दसत्रले कलेजका प्राचार्य धनकुमार श्रेष्ठले प्रस्तुत गर्नुभएको वार्षिक प्रगति प्रतिवेदन २०७५ (संशोधनसहित), नवगठित व्यवस्थापन समिति, कलेजको आ.व. २०७४÷०७५ को लेखा परीक्षण प्रतिवेदन पारित गरेको थियो । कार्यक्रममा कलेजका सल्लाहकार बुद्धिकुमार गोसाईको पनि उपस्थिति थियो । 
 

२९ मंसिर, भक्तपुर । वागीश्वरी कलेजको आयोजनामा विश्वविद्यालय अनुदान आयोगको QAA (Quality Assurance & Accreditation) को SSR (Self Study Report) बारे सरोकारवाला समूहस“ग अन्तरक्रिया गर्ने क्रममा शनिबार कलेजमा अध्यापनरत शिक्षकहरुस“ग छलफल सम्पन्न भएको छ । 
कार्यक्रममा प्रमुख अतिथि वागीश्वरी कलेज व्यवस्थापन समितिका अध्यक्ष सुनिल प्रजापतिले कम आय भएका जनताका छोराछोरीलाई गुणस्तरीय शिक्षा प्रदान गर्ने उद्देश्यले कलेजको स्थापना भएको बताउ“दै कलेजको गुणस्तर बढाउन कलेज प्रशासन, शिक्षक, विद्यार्थीलगायतका सरोकारवाला पक्षहरुले भावनात्मक रूपमा क्रियाशिल हुनुपर्ने आवश्यकता औंल्याउनुभयो । 
२१ औं शताब्दीको लागि योग्य नागरिक तयार गर्ने लक्ष्यलाई अगाडि बढाउन कलेजले अनुसन्धानको लागि पनि प्राथमिकता दिएको उल्लेख गर्दै अध्यापनरत शिक्षकहरुले आफ्नो योग्यता बढाउनुपर्छ भन्नुभयो । 
कलेज व्यवस्थापन समितिका उपाध्यक्ष मोहनप्रसाद प्रजापतिले कलेजको गुणस्तर सुनिश्चितताको लागि शिक्षकहरुको सहयोग अपरिहार्य छ भन्नुभयो । 
कलेजका प्राचार्य धनकुमार श्रेष्ठको सभापतित्वमा भएको कार्यक्रममा वागीश्वरी माविका प्रअ तथा कलेज व्यवस्थापन समितिका सदस्य कृष्णप्रसाद धन्छा, सुशिला कर्माचार्यले पनि बोल्नुभएको थियो । 
 

भक्तपुर– वागीश्वरी उपदान (संचिति) कोषको दोस्रो साधारण सभा बिहिबार सम्पन्न भएको छ । 
कार्यक्रमका प्रमुख अतिथि विद्यालय व्यवस्थापन समितिका अध्यक्ष एवं भनपा वडा नं. ९ का वडाध्यक्ष रवीन्द्र ज्याख्वले नीजी वा सामुदायिक विद्यालयलाई समाजप्रति उत्तरदायी बनाउने उद्देश्यले भक्तपुर नगरपालिकाले शिक्षा ऐन लागू गरेको बताउनुभयो । 
फोहोरलाई ऊर्जा र अर्थउपार्जनको स्रोत बनाउनको लागि भक्तपुर नगरपालिकाले ७ सदस्यीय विज्ञहरुको समिति गठन गरेको जानकारी दिंदै शिक्षक शिक्षिकाहरुले विद्यालयबाटै विद्यार्थीहरुलाई कुहिने र नकुहिने फोहोर छुट्याउने बानीको विकास गराउनुपर्ने आवश्यकता औंल्याउनुभयो । 
सरकारी विद्यालयमा प्रतिविद्यार्थी लगानी निजी विद्यालयको तुलनामा बढी हुने भएकाले सरकारी विद्यालयले गुणस्तरीय शिक्षा प्रदान गर्न सक्छ भन्ने कुरामा विश्वास व्यक्त गर्दै उहा“ले भन्नुभयो, ‘आफ्नो सन्तानलाई आफ्नै विद्यालयमा भर्ना गर्नुपर्ने’ संस्थागत निर्णय गर्ने पहिलो विद्यालय वागीश्वरी हो ।’
१०१ औं अक्टोबर क्रान्ति दिवसको सन्दर्भलाई उद्धृत गर्दै उहा“ले भन्नुभयो, ‘पू“जीवादले २–३ सय वर्षमा गरेको विकास समाजवादी व्यवस्थाले २०–३० वर्षमै सम्पन्न गर्न सक्नु नै अक्टोबर समाजवादी क्रान्तिको उपलब्धी हो ।’ 
अतिथि कोषका संरक्षक तथा वागीश्वरी माविका प्रधानाध्यापक कृष्णप्रसाद धन्छाले पूर्णकालीन शिक्षक तथा कर्मचारीहरुले विद्यालय तथा कलेजमा आइपर्ने विभिन्न सम्भावित समस्या तथा चुनौतीलाई न्यूनीकरण गर्दै जानुपर्छ भन्नुभयो । 
कोषका सल्लाहकार एवं विद्यालयका सहायक प्रधानाध्यापक ज्ञानसागर प्रजापतिले विचारलाई बन्धक राखेर व्यक्तिगत तथा पेशागत हितलाई मात्र प्राथमिकता दिने ट्रेड युनियनवादको विरोधमा क्रियाशिल रहेको कारण आज वागीश्वरी देशकै नमूना बन्न सम्भव भएको हो भन्नुभयो । 
उहा“ भन्नुहुन्छ, ‘वागीश्वरीले स्वाभिमान, आत्मनिर्भर एवं देश र जनताको सेवा गर्ने सोच तथा समाजको विकासको लागि आवश्यक जनशक्ति तयार गर्ने दृष्टिकोणको आधार नेपाल मजदुर किसान पार्टीको विचार हो ।’ 
कार्यक्रमका सभापति कोषका अध्यक्ष एवं कलेजका प्राचार्य धनकुमार श्रेष्ठले प्रस्तुत गर्नुभएको प्रतिवेदन पारित गरेको उक्त कार्यक्रममा विद्यालयका प्रशासन अधिकृत तुल्सीराम प्रजापतिले स्वागत गर्नुभएको थियो भने शिक्षिका रामप्यारी सैंजूले पनि बोल्नुभएको थियो । 
 

भक्तपुर– वागीश्वरी मावि च्याम्हासिंहको हीरक जयन्तीको उपलक्ष्यमा आयोजित आमन्त्रण छात्र छात्रा कबड्डी प्रतियोगिता भाद्र २८ गते सम्पन्न भयो । काठमाडौं, भक्तपुर र काभ्रेका विभिन्न दश वटा विद्यालयहरुको सहभागितामा भएको उक्त प्रतियोगिताको छात्रतर्फको फाइनलमा वागीश्वरी मावि (भक्तपुर) ले सकेरेट हर्ट मावि (काठमाडौं) लाई २४ का विरुद्ध ५० अङ्क हासिल गरी प्रथम भयो भने छात्रातर्फ फाइनलमा ख्वप मावि (भक्तपुर) ले वागीश्वरी माविलाई २६ का विरुद्ध ५१ अङ्क हासिल गरी प्रथम भयो । 
छात्रातर्फ तृतीय स्थानमा ख्वप्रिङ ई. एकेडेमी (भक्तपुर) र कन्या मन्दिर मावि (काठमाडौं) भए भने छात्रतर्फ तृतीय ख्वप मावि र बेलोर मावि (काभ्रे) भएका थिए । 
प्रतियोगितामा प्रथम, द्वितीय र तृतीय भएका छात्र छात्रा छुट्टाछुट्टै टिमहरुलाई क्रमशः रु.७–७ हजार, ५–५ हजार र ३–३ हजार नगद पुरस्कार सहित ट्रफी, मेडल र प्रमाणपत्रद्वारा सम्मान गरिएको थियो । 
छात्रतर्फ उत्कृष्ट रेडर सविन बोहजू (वागीश्वरी), उत्कृष्ट डिफेन्डर राजेन्द्र तामाङ (वागीश्वरी) घोषित भएका थिए भने छात्रातर्फ उत्कृष्ट रेडर यशोधा गिरी (ख्वप) र उत्कृष्ट डिफेन्डर मनिषा भैल (ख्वप) घोषित भएका थिए । 
प्रतियोगिता समापन एवं पुरस्कार वितरण समारोहमा प्रमुख अतिथि ३ नं प्रदेशसभाका सदस्य सुरेन्द्रराज गोसाईले विजयी टिम तथा खेलाडीहरुलाई नगदपुरस्कारसहित ट्रफी, मेडल र प्रमाणपत्र प्रदान गर्दै खेल मित्र, अनुशासन र देशभक्तिले युक्त हुनुपर्नेमा जोड दिनुभयो । सरकारले खेल र खेलाडीहरुलाई उचित स्थान नदिंदा देशमा खेलकुदको प्रगति हुन नसकेको चर्चा गर्दै उहा“ले समाजवादी देशहरुमा खेल र खेलाडीको उचित सम्मान हुने गरेको विचार व्यक्त गर्नुभयो । 
समारोहमा विद्यालय व्यवस्थापन समितिका अध्यक्ष रवीन्द्र ज्याख्व, अखिल नेपाल कबड्डी संघका महासचिव विनोद प्रजापतिले कबड्डी खेलको महŒवमाथि प्रकाश पार्नुभयो भने स्वागत मन्तव्य प्राचार्य कृष्णप्रसाद धन्छा र धन्यवाद  ज्ञापन सहप्राचार्य ज्ञानसागर प्रजापतिले गर्नुभएको थियो । 
 

भक्तपुर– वागीश्वरी मावि च्याम्हासिंहको हीरक वर्षको उपलक्ष्यमा आमन्त्रण छात्र छात्रा कबड्डी प्रतियोगिता शुरु भएको छ । काठमाडौं, भक्तपुर र काभ्रे जिल्लाका विभिन्न दशवटा विद्यालयका छात्रछात्राहरु सहभागी भएको उक्त प्रतियोगिताको भक्तपुर नगरपालिकाका प्रमुख सुनिल प्रजापतिले उद्घाटन गर्दै खेल मित्रता, अनुशासनका साथै देशभक्ति भावनाको विकासका लागि पनि खेल्नुपर्नेमा जोड दिनुभयो । 
उहा“ले भक्तपुर नगरपालिकाले खेल विकासको लागि सक्दो ध्यान दिंदै आएको चर्चा गर्दै गतवर्ष विद्यालयस्तरीय विभिन्न आठ खेलको प्रतियोगिता सञ्चालन गरेझैं यसवर्ष पनि १३ वटा खेलको प्रतियोगिता गर्न लागेको जानकारी दिनुभयो । 
उद्घाटन कार्यक्रममा विद्यालय व्यवस्थापन समितिका अध्यक्ष एवं ९ वडाका वडाध्यक्ष रवीन्द्र ज्याख्वले खेलकुदमा खेलाडीहरु इमान्दार भएझै देश निर्माण गर्न पनि उत्तिकै इमानदार हुन जरुरी रहेको धारणा राख्नुभयो भने भक्तपुर नगरपालिका युवा तथा खेलकुद समितिका अध्यक्ष श्यामकृष्ण खत्री, अखिल नेपाल कबड्डी सङ्घ भक्तपुरका अध्यक्ष विनोद प्रजापतिले पनि शुभकामना मन्तव्य दिनुभएको थियो । 
कबड्डी प्रतियोगिता व्यवस्थापन समितिका अध्यक्ष एवं सहप्राचार्य ज्ञानसागर प्रजापतिको सभापतित्वमा भएको उक्त कार्यक्रममा प्राचार्य कृष्णप्रसाद धन्छाले स्वागत मन्तव्य राख्नुभएको थियो भने शिक्षक राजन लाखाले हीरक वर्षका कार्यक्रम माथि प्रकाश पार्नुभएको थियो । 
पहिलो उद्घाटन छात्रा खेलमा वागीश्वरी मावि (भक्तपुर) ले ख्वप मावि (भ.पु) लाई ३१ का विरुद्ध ३३ अङ्क प्राप्त गरी पराजित ग¥यो भने दोस्रो छात्रा खेल कन्या मन्दिर मावि (काठमाडौं) लाई ख्वप्रिङ एकेडेमीले ४० का विरुद्ध ५० अङ्क हासिल गरी पराजित ग¥यो । त्यस्तै छात्रातर्फको अर्को खेलमा भीमेश्वर मावि (काठमाडौं) लाई जनसेवा मावि (काठमाडौं) ले ३८ का विरुद्ध ६० अङ्क प्राप्त गरी जित दर्ता ग¥यो । 
त्यस्तै छात्रतर्फको खेलमा बेलोर मावि (काभ्रे) ले ख्वप्रिङ एकेडेमीलाई (६०–३५) परास्त ग¥यो भने भीमेश्वर माविले ख्वप माविलाई ४६–३९ अङ्कले पराजित ग¥यो । आजको अन्तिम खेलमा नेपाल युवक मावि (काठमाडौं) लाई सेकरेड हार्ट मावि (काठमाडौं) ले (२५–४९) हरायो । 
 

भक्तपुर– वागीश्वरी मावि च्याम्हासिंहमा भाद्र २४ गते कुशे औंसीको दिन १५ औं मोती जयन्ती गजल गोष्ठी गरी मनाइएको छ । विद्यालयको नेपाली भाषा विभागको आयोजनामा भएको उक्त गोष्ठीमा शिक्षक तथा विद्यार्थीहरुले गजल वाचन गर्नुका साथै अतिथिहरुबाट गजल गायनसमेत भएको थियो । 
विद्यालयका सहप्राचार्य ज्ञानसागर प्रजापतिले गोष्ठीको सभापतित्व ग्रहण गर्दै मोतीराम भट्टले ३० वर्षको छोटो जीवनकालमै नेपाली भाषा साहित्यमा महŒवपूर्ण योगदान पु¥याएको चर्चा गर्दै उनकै कारणले भानुभक्त आचार्य आदिकवि भनेर चिनिएको र सुषुप्त अवस्था रहेको गजल विधालाई जिउ“दो जाग्दो पारेको प्रष्ट पार्नुभयो । 
गोष्ठीमा शिक्षक रवीन्द्र न्हेम्हाफुकीले स्वागत मन्तव्यका साथ दुइवटा गजल गाएर गोष्ठी आरम्भ भयो भने गोष्ठीको सम्पूर्ण संयोजन शिक्षक चन्द्रप्रसाद ढकालले गर्नुभएको थियो । गोष्ठीमा गजलकार एवं पत्रकार हरिसुन्दर छुकांले मोतीराम गजलकार मात्र नभई नेपालमा प्रेश युग भित्राउने एक सफल साहित्यिक पत्रकार पनि भएको चर्चा गर्दै आफ्ना गजलहरु गाएर सुनाउनुभएको थियो । 
सङ्गीतकार एवं गायक कमल रिजालले हार्मोनियममा गजलहरु प्रस्तुत गर्दा वाद्यवादक श्यामसुन्दर कायष्ठले तबलामा साथ दिनुभएको थियो भने विद्यार्थीहरुले गीतार र खैजडीमा साथ दिएका थिए । 
गोष्ठीमा पूर्व विद्यार्थी सेरफ मोक्तानसहित विद्यार्थीहरु सत्यमोहन शंकर, जीतबहादुर तामाङ, सागर चौलागाई, अमन श्रेष्ठ, सुनिता लवजू, डोल्मा लामा, आर्यन दोङ, नीता दथेपुथे, मित्र तामाङ, रविना लामा, युमिला राईलगायतले आफ्ना गजल एवं मुक्तकहरु प्रस्तुत गरेका थिए । 
 

भक्तपुर– सार्वजनिक मावि संयुक्त परीक्षा समिति भक्तपुरको वार्षिक कार्यतालिकाअनुसार देवी मावि सौडोलको आयोजनामा मावि स्तरीय वादविवाद प्रतियोगिता सम्पन्न भएको छ । वादविवाद प्रतियोगितामा छात्रतर्फ विद्यार्थीहरुका लागि ‘फेसबुक उपयुक्त होइन’ र छात्रातर्फ ‘धनभन्दा मन ठूलो’ भन्ने विषय दिइएको थियो । 
प्रतियोगितामा छात्रतर्फ वागीश्वरी माविका उज्ज्वल सुवेदी प्रथम, पञ्चकन्या माविका राम दुलाल द्वितीय र चा“गुनारायण माविका नन्दराम दाहाल तृतीय भएका छन् भने छात्रातर्फ पञ्चकन्याकी करुणा तिमिल्सिना प्रथम, जोरपाटी माविकी सुष्मा खत्री द्वितीय र चा“गुनारायणकी सन्ध्या ढुङ्गेल तृतीय भएकी छिन् । 
प्रतियोगितापश्चात भएको पुरस्कार वितरण कार्यक्रममा समितिका अध्यक्ष कृष्णप्रसाद धन्छाले यस्ता अतिरिक्त कृयाकलापले विद्यार्थीलाई पाठ्यपुस्तकमा मात्र सीमित नराखी व्यावहारिक रुपमा जीवनोपयोगी हुने विचार व्यक्त गर्नुभयो भने गणेश मावि छालिङका प्रअ इन्द्रबहादुर फोंजु फेसबुकको महŒव माथि प्रकाश पार्दै त्यसको प्रयोग गर्दा सचेतता अपनाउन नसके दुरुपयोग हुने कुरा प्रष्ट पार्नुभयो । 
कक्षा ९ र १० का छात्रछात्राको उत्साहजनक उपस्थितिमा भएको उक्त प्रतियोगिता देवी माविका प्रअ राजाराम छुकांको सभापतित्वमा भएको थियो । कार्यक्रममा तारा माविका प्रअ रामगोपाल त्वायनाले पनि बोल्नुभएको थियो । 
 

भक्तपुर– वागीश्वरी मावि च्याम्हासिंहमा अध्ययनरत गरीब तथा जेहनदार विद्यार्थीहरुका लागि पूर्व विद्यार्थीहरुको तर्फबाट पनि अब छात्रवृत्ति प्रदान गर्ने भएको छ । 
उक्त छात्रवृत्ति प्रदान गर्नको लागि २०४० देखि २०६४ सालसम्मका एसएलसी दिएका पूर्व विद्यार्थीहरुले अक्षयकोष स्थापनार्थ रकम जम्मा गर्न थालेका छन् । 
श्रावण २८ गते २०४७ साल एसएलसी समूहको तर्फबाट रुपेश प्रजापति, विनय प्रजापति र लक्ष्मीसुन्दर प्रजापतिको टोलीले सो कोषमा जम्मा गर्न नगद रु.२५ हजार प्राचार्य कृष्णप्रसाद धन्छालाई हस्तान्तरण गरेको छ । 
उक्त नगदपछि कोषमा रु. १ लाख ५६ हजार ४ सय ७२ पुगेको छ । कोषमा यसअघि २०४० सालको तर्फबाट ५ हजार २ सय, २०४१ सालको तर्फबाट ३२ हजार ५ सय ५५, २०४४ सालको तर्फबाट २५ हजार १ सय ११ सहित भित्ते घडि, २०५२ सालको तर्फबाट १७ हजार एकसहित १ जना विद्यार्थीलाई नर्सरीदेखि कक्षा १० सम्म लाग्ने वार्षिक शुल्क बराबरको रकम, २०५५ सालको तर्फबाट कक्षा १ देखि ३ सम्मका जम्मा ६ जना विद्यार्थीहरुलाई युनिफर्म र केहि रकम सहयोग दिने प्रतिबद्धता, २०६० सालको तर्फबाट १८ हजार ३ सय, २०६१ सालको तर्फबाट ७ हजार ६ सय १०, २०६२ सालको तर्फबाट १७ हजार ४ सय २५, २०६३ सालको तर्फबाट ८ हजार २ सय ७० जम्मा गरिसकेको छ । नगद जम्मा हुने क्रम जारी छ । 
छात्रवृत्तिकै लागि २०५१ सालको समूहका विद्यार्थी कृष्णराम प्रजापतिले आफ्नो व्यक्तिगत रु. एक लाख छुट्टै कोष खडा गर्न रकम प्रदान गर्ने वचन दिनुभएको छ ।
विद्यालयको हीरक वर्ष २०७५ मनाउने क्रममा श्रावण महिनाका विभिन्न मितिमा ३ पटक पूर्व विद्यार्थीहरुको भेला गर्दा विद्यार्थीहरुको तर्फबाट उक्त कोष खडा गर्ने जमर्को भएको हो । 
पछिल्लो पटक विद्यार्थी भेला गत श्रावण २६ गते शनिबार भएको थियो । भेलामा पूर्व प्राचार्य मोहनप्रसाद प्रजापति, प्राचार्य कृष्णप्रसाद धन्छा, कलेजका प्राचार्य धनकुमार श्रेष्ठ,  सह प्राचार्य ज्ञानसागर प्रजापति र पूर्व विद्यार्थीहरु सम्झना थुसा, विनोद बासुकला, कृष्णराम ग्वाछा र पुनम जोशीले पनि बोल्नुभएको थियो । 
 

साउन १९, भक्तपुर– वि.सं. २००९ सालमा सामान्य छाप्रोबाट सुरु भएको वागीश्वरीको आजको स्थितिसम्म प्रगति गर्न पूर्व विद्यार्थीहरुको योगदानलाई वागीश्वरी माविले कदर गरेको छ ।
हीरक वर्ष २०७५ को उपलक्ष्यमा शनिवार आयोजित भेला कार्यक्रममा २०५१ देखि २०६० सम्मका एसएलसी उत्तीर्ण पूर्व विद्यार्थीहरुको उत्साहवद्र्धक उपस्थिति भएको छ । पूर्व विद्यार्थीहरुले आ–आफ्नो व्याचको भेलाबाट छानिएका प्रतिनिधिहरुले स्कूलको प्रगतिमा सक्दो योगदान गर्ने तत्परता देखाएका थिए ।
प्रमुख अतिथि एवं विद्यालय व्यवस्थापन समितिका अध्यक्ष तथा पूर्व विद्यार्थी रवीन्द्र ज्याख्वले देशका ६० भन्दा बढी जिल्लाका विद्यार्थी अध्ययन गर्ने यस विद्यालय सबैको साझा घर रहेको चर्चा गर्नुभयो । वडा नं. ९ का वडाअध्यक्षसमेत रहेका उहाँले २०४०–५० सम्मका पूर्व विद्यार्थी भेलाबाट यस विद्यालयको प्रगतिका लागि एउटा कोषको आवश्यकता औंल्याएपछि हरेक एसएलसी व्याचबाट  सहयोग गर्ने स्वेच्छिक एजेन्डा बनेको बताउनुभयो । त्यस्तै उहाँले स्कूलप्रतिको उत्तरदायित्वका हिसाबले सबैले क्षमताअनुसार सहयोग गर्नुपर्ने बताउनुभयो । देशको नमूनाको रुपमा रहेको यस विद्यालयमा विभिन्न सरकारी तथा गैरसरकारी संघ संस्थाका प्रतिनिधिहरु हाम्रो प्रगतिमा चासो राखेको बताउँदै ठूलो संस्थाका रुपमा अगाडि बढेको यस विद्यालयप्रति पूर्व विद्यार्थीहरुको थप जिम्मेवारी भएको बताउनुभयो ।
वागीश्वरी कलेजका प्राचार्य धनकुमार श्रेष्ठले विश्वविद्यालय अनुदान आयोगको मापदण्ड पूरा गर्ने कार्यमा लागिरहेको बताउँदै यस विद्यालय र कलेजका विद्यार्थीहरुलाई जिम्मेवार नागरिकका रुपमा तयार गर्नुपर्ने चुनौती आएको बताउनुभयो ।
विद्यालयका सहायक प्रधानाध्यापक ज्ञानसागर प्रजापतिले विद्यालयलाई विभिन्न संघसंस्थाहरुले सहयोग दिन चाहेपनि नलिएका विभिन्न घटनाबारे स्पष्ट पार्नुभयो । उहाँले आफ्नो इमान र नैतिकतालाई दाउमा राखी कहिल्यै पनि नझुकेको बताउँदै पूर्व विद्यार्थी यस विद्यालयको सम्पत्ति भएकाले विद्यालयका निम्ति सहयोग गर्नसक्ने बताउनुभयो ।
पूर्व विद्यार्थीलाई स्वागत गर्दै प्रधानाध्यापक कृष्णप्रसाद धन्छाले विद्यालयको प्रगति तथा गतिविधिबारे स्पष्ट पार्नुभयो ।
कार्यक्रममा २०५१ देखिका पूर्वविद्यार्थीहरु क्रमशः रघुनाथ प्रजापति, रोशन भ्वयद्य, सत्यराम ज्याख्व, हरिकृष्ण दुवाल, सुलोचना साखकर्मी, निरञ्जन प्रजापति, नविन लागे, समिर साही, विश्वराम दुमरु, गोपालसुन्दर गोसाईले आफ्नो व्याचको तर्फबाट सहयोगको प्रतिबद्धतासहित सुझाव दिएका थिए । कार्यक्रममा प्रमुख अथिति एवं अतिथिबाट  पूर्वविद्यार्थी सबैलाई मायाको चिनोसहित सम्मान गरेको छ ।
 

भक्तपुर, ९ जेष्ठ २०७५ । वागीश्वरी कलेजको आयोजनामा विश्वविद्यालय अनुदान आयोगको सहयोगमा ५ दिने Research Methodology Training को समापन कार्यक्रम जेष्ठ ९ गते बुधबार सम्पन्न भएको छ । कार्यक्रममा प्रमुख अतिथि वागीश्वरी कलेज व्यवस्थापन समितिका अध्यक्ष सुनिल प्रजापतिले अनुसन्धानमा सहभागी हरेक शिक्षकले कुनै एउटा विषयमा अनुसन्धान गरी राज्यको निम्ति योगदान गरे मात्र तालिम सार्थक रहन्छ भन्नुभयो । उहा“ले भन्नुभयो, ‘खानेपानीको समस्या, अपराधका घटनाहरु बढिरहेको समयमा अनुसन्धान कार्यलाई अगाडि बढाई हरेक किसिमको रेकर्ड बनाउन सकियो भने समस्या समाधान गर्न सक्षम हुन्छ ।’

अतिथि वागीश्वरी कलेजका संयोजक ज्ञानसागर प्रजापतिले अनुसन्धान कार्यको महत्वलाई उजागर गर्दै तालिम लिनुभएका शिक्षकहरुले विद्यार्थीहरुलाई समाजको स–साना अनुसन्धानका कार्यमा लाग्न प्रोत्साहित गर्नुपर्छ भन्नुभयो । कार्यक्रममा प्रमुख अतिथि प्रजापतिले सम्पूर्ण सहभागीहरुलाई प्रमाणपत्र प्रदान गर्नुभएको थियो । वागीश्वरी कलेज रिसर्च म्यानेज्मेन्ट सेलका संयोजक प्रा.डा. सिद्धिवीर कर्माचार्यको सभापतित्वमा भएको कार्यक्रममा प्राचार्य धनकुमार श्रेष्ठ, उपप्राध्यापक किशोर हाकुदुवाल, शिक्षक राजन चौगुठी, सुनिता राउत, सञ्जिवनी कलेज काभ्रेका पुजन श्रेष्ठले पनि बोल्नुभएको थियो । 
 

भक्तपुर, २८ साउन २०७४ – वागीश्वरी कर्मचारी समाजको आयोजनामा स्व. श्यामकृष्ण श्रेष्ठको सम्झनामा साउन १९ गते एक श्रद्धाञ्जली सभा सम्पन्न भएको छ । वागीश्वरी माविका रात्रीकालीन सुरक्षागार्ड श्यामकृष्ण श्रेष्ठ साउन १७ गते असामयिक निधन भएको थियो । स्व. श्यामकृष्णप्रति एक मिनेट मौन धारणबाट शुरु भएको उक्त श्रद्धाञ्जली सभामा प्राचार्य कृष्णप्रसाद धन्छाले जागिरको क्रममा स्व. श्यामबाट सैनिक अनुशासन प्रदर्शन गरेको चर्चा गर्दै ठीक समयमा आउने र ठीक समयमा जाने उहा“को समयको परिपालना सबैले सिक्नुपर्ने विचार व्यक्त गर्नुभयो ।

सहप्राचार्य ज्ञानसागर प्रजापतिले कुनै पनि व्यक्ति नामबाट भन्दा पनि कामबाट परिचित हुने गर्छ भन्नुहुदै स्व. श्यामको विनम्रता, पेशाप्रतिको जवाफदेहिता सिक्न लायक भएको चर्चा गर्नुभयो । आयोजक समाजका अध्यक्ष तुल्सीराम प्रजापतिको सभापतित्वमा भएको उक्त सभामा शिक्षक धनकुमार श्रेष्ठ र कर्मचारी सवीन्द्र प्रजापतिले पनि स्व. श्यामका बारेमा चर्चा गर्नुभएको थियो । सभामा उपस्थित सम्पूर्ण कर्मचारीहरुले स्व. श्यामको तस्वीरमा पुष्पगुच्छाका साथ श्रद्धाञ्जली अर्पण गरेका थिए ।

भक्तपुर, २७ साउन २०७४ – नेपाल क्रान्तिकारी शिक्षक संघ वागीश्वरी मावि एकाइ समिति साउन २० गते वृहत शिक्षक भेला गरी पुनर्गठन गरिएको छ । संघका अध्यक्ष दामोदर सुवालको सभापतित्वमा भएको उक्त भेलाले शिक्षक विश्वेश्वर मानन्धरको अध्यक्षतामा १३ सदस्यीय समिति पुनर्गठन गरेको हो । भेलामा नेमकिपाका केन्द्रीय सदस्य सनकमान महर्जन, नेक्राशिसंघका केन्द्रीय अध्यक्ष ज्ञानसागर प्रजापति र कोषाध्यक्ष चक्रबहादुर चाकतु, प्राचार्य कृष्णप्रसाद धन्छा, शिक्षक पीयूषराज गोसाईलगायतले शैक्षिक विषयमा विचार राख्नुभएको थियो ।

भक्तपुर, १४ असार २०७४ – त्रिभुवन विश्वविद्यालय परीक्षा नियन्त्रण कार्यालय बल्खुद्वारा २०७३ सालमा सञ्चालन गरेको एमबीएस प्रथम वर्ष र एमए समाजशास्त्र दोस्रो वर्षको बोर्ड परीक्षाको नतिजा असार ८ गते प्रकाशित गरेको छ । वागीश्वरी कलेजबाट एमबीएस प्रथम वर्षको परीक्षामा सम्मिलित जम्मा २८ जना विद्यार्थीहरुमध्ये १० जना अर्थात् ३५ दशमलव ७१ प्रतिशत विद्यार्थीहरु उत्तीर्ण भएका छन् भने एमए समाजशास्त्रमा ५० प्रतिशत विद्यार्थीहरु उत्तीर्ण भएको कलेज प्रशासनले जनाएको छ । 
 

भक्तपुर, २४ माघ २०७३ – वागीश्वरी कलेज भक्तपुरको चौथो साधारण सभा माघ २० गते सम्पन्न भएको छ । कलेज व्यवस्थापन समितिका अध्यक्ष सुनिल प्रजापतिको सभापतित्वमा भएको उक्त सभाले कलेजको प्रगति प्रतिवेदन पारित गर्नुका साथै भावी योजना समेत तय गरेको छ । सभामा बोल्दै अध्यक्ष प्रजापतिले ‘एक घर एक स्नातक’ को नाराले कामदार वर्गका छोराछोरीहरूको स्नातक सङ्ख्या बढेको चर्चा गर्नुहुदै वागीश्वरी कलेजले त्यसको लागि आवश्यक पूर्वाधार निर्माणमा सक्दो सहयोग पुर्याएको बताउनुभयो । ख्वप विश्वविद्यालय विधेयकले १० वर्षमा बल्ल संसदमा प्रवेश पाएको चर्चा गर्नुहुदै उहाले सरकारले जतिसुकै नचाहे पनि अन्ततः ख्वप विश्वविद्यालय आउने नै विश्वास व्यक्त गर्नुभयो ।

उहाले वागीश्वरीमा हाल झण्डै आठ सय विद्यार्थी हुनु तुलनात्मक रूपले सन्तोषजनक भएको उल्लेख गर्नुहुदै ख्वप विश्वविद्यालय भएपछि वागीश्वरीको अझ थप प्रगति हुने विश्वास व्यक्त गर्नुभयो । कलेज व्यवस्थापन समितिका सदस्य एवं सांसद अनुराधा थापामगरले वागीश्वरी कलेज सामुहिक नेतृत्वको एउटा सफल उदाहरण रहेको चर्चा गर्नुहुदै गुणस्तरीय शिक्षा प्रदान गरी देशका लागि योग्य जनशक्ति उत्पादन गरिरहेकोमा बधाइका साथ शुभकामना व्यक्त गर्नुभयो । उहाले संसदमा ख्वप विश्वविद्यालय विधेयक प्रवेश भए पनि अझै छलफलमा ल्याउन नचाहिरहेको सरकारी सोचको आलोचना गर्नुहुदै ख्वप विश्वविद्यालय नहुदा कामदार वर्गका छोराछोरीहरूले सस्तोमा स्तरीय शिक्षा पाउनबाट बञ्चित भइरहेको प्रष्ट पार्नुभयो ।

सभामा वागीश्वरी मावि व्यवस्थापन समितिका अध्यक्ष रवीन्द्र ज्याख्वले वागीश्वरी मावि र वागीश्वरी कलेजबीचको सहकार्य आगामी दिनमा थप सुदृढ रूपमा अगाडि बढाउनुपर्नेमा जोड दिनुभयो भने वागीश्वरी माविका प्राचार्य कृष्णप्रसाद धन्छाले कामदार वर्गमा उच्च शिक्षाको पहुच बढाउन वागीश्वरीले  महत्वपूर्ण योगदान पुर्याइरहेको बताउनुभयो । वागीश्वरी कलेज विषय संयोजक ज्ञानसागर प्रजापतिको स्वागत मन्तव्यबाट सुरु भएको उक्त सभाले प्राचार्य धनकुमार श्रेष्ठद्वारा प्रस्तुत प्रगति प्रतिवेदन, भावी योजना र रणनीतिबारे व्यापक छलफल गरी आवश्यक सुझावसहित पारित गरेको थियो ।

भक्तपुर, २० मंसिर २०७३ – विश्वविद्यालय अनुदान आयोगद्वारा मंसिर १७ र १८ गते आयोजना गरिएको दुई दिने इचष्भलतबतष्यल ध्यचपकजयउ ७ ःझयचबलमगm या ग्लमभचकबतबलमष्लन ९ःइग्० कार्यक्रममा वागीश्वरी कलेज सहभागी भएको छ । कलेज व्यवस्थापन समितिका अध्यक्ष सुनिल प्रजापतिको नेतृत्वमा ५ जनाको टोली उक्त कार्यक्रममा सहभागी भएको हो । कार्यक्रममा उच्च शिक्षा सुधार परियोजनामा छनोट भएका २० वटा कलेजहरु र विश्वविद्यँलय अनुदान आयोगबीच ःइग् सम्झौता भएको थियो । कार्यक्रममा विश्वविद्यालय अनुदान आयोगका सदस्य सचिव देवराज अधिकारीले कलेजको गुणस्तर बढाई शिक्षामा राष्ट्रिय गुणस्तरलाई बढाउ“दै लग्नुपर्ने आवश्यकता औंल्याउनुभयो । कार्यक्रममा विश्वविद्यालय अनुदान आयोगका लेखा निर्देशक केदार प्रसाद आचार्य, दिपेश, कपिल सुवेदीलगायतले बोल्नुभएको थियो । 
 

भक्तपुर, २१ बैशाख २०७३ – भक्तपुर उच्च शिक्षा सुधार परियोजनाको विद्यार्थी वित्तीय सहयोग कार्यक्रम अन्तर्गत वागीश्वरी उमाविका २० जना विद्यार्थीहरुले छात्रवृत्ति प्राप्त गरेका छन् । देशभरका सामुदायिक विद्यालयमा कक्षा १२ मा अध्ययनरत गरिब विद्यार्थीहरुमध्येबाट Proxy means testing पद्धतिद्वारा छनौट गरी स्नातक तह पढ्नका लागि आर्थिक अनुदान उपलब्ध गराइने उक्त कार्यक्रमले छात्रवृत्ति प्रदान गरेको हो । छात्रवृत्तिका लागि विद्यार्थीले HSEB को जिल्लास्थित कार्यालय अथवा विद्यार्थी वित्तीय सहयोग कोष विकास समितिको वेबसाइटमार्फत २०७२ चैत्र मसान्तभित्र फारम भरेका थिए । वागीश्वरी उमाविबाट छात्रवृत्ति परेका विद्यार्थीहरुमध्ये ५ जना र अन्य उमाविका ६ जना विद्यार्थीहरु वागीश्वरी कलेजमा अध्ययनरत रहेको कलेज प्रशासनले जानकारी दिएको छ ।